ജോലി കല്യാണങ്ങളിലെ അതിഥി; 30 ലക്ഷം വരെ പ്രതിഫലം- വെളിപ്പെടുത്തലുമായി ഓറി

ഓറി എന്ന ഓർഹാൻ അവത്രമണി ബോളിവുഡിലെ അടുത്തകാലത്തെ ഏറ്റവും വലിയ ചർച്ചാവിഷയമാണ്. എല്ലാ ബോളിവുഡ് ആഘോഷങ്ങളിലും സാന്നിധ്യം. വെറുതെയല്ല, എല്ലാ താരങ്ങളും ഓറിക്കൊപ്പം ചിത്രങ്ങൾ പകർത്താൻ മത്സരമാണ്. മാസങ്ങളായി ഈ പേര് എല്ലായിടത്തും ഉയർന്നു കേൾക്കാൻ തുടങ്ങിയിട്ട്. എന്നാൽ, ആരാണ് ഓറി എന്നത് കൃത്യമായി ആർക്കും അറിയില്ലായിരുന്നു. അംബാനിയുടെ കല്യാണവിരുന്നിൽ സജീവമായതോടെ റിലയൻസിന്റെ എന്തോ ഉയർന്ന ചുമതലയുള്ള ആളാണ് ഓറി എന്ന ഊഹാപോഹങ്ങളും പ്രചരിച്ചിരുന്നു. ഇപ്പോഴിതാ, താൻ ആരാണെന്നത് വെളിപ്പെടുത്തുകയാണ് ഓറി എന്ന ഓർഹാൻ.

ഒരു അഭിമുഖത്തിൽ അദ്ദേഹം അടുത്തിടെ തന്റെ വരുമാന സ്രോതസ് എന്താണെന്നു തുറന്നുപറഞ്ഞു. തൻ്റെ പ്രാഥമിക വരുമാന സ്രോതസ്സ് ആളുകളുടെ പരിപാടികളിൽ പങ്കെടുക്കുന്നതിലൂടെ താൻ അവർക്ക് ‘ആനന്ദം’ നൽകുന്നുവെന്ന് ഓറി പറയുന്നു. ‘ഇപ്പോൾ, സന്തോഷത്തിൻ്റെ സന്ദേശം പ്രചരിപ്പിക്കുന്നതിലാണ് എൻ്റെ ശ്രദ്ധ. അത് ആളുകളുമായി പ്രതിധ്വനിക്കുന്നു, എന്നെ മുന്നോട്ട് കൊണ്ടുപോകുന്നു, മറ്റുള്ളവർക്കും എനിക്കും സന്തോഷം നൽകുന്ന പരിപാടികളിൽ പങ്കെടുക്കാൻ എന്നെ അനുവദിക്കുന്നു. ഇതാണ് നിലവിൽ എൻ്റെ പ്രാഥമിക വരുമാന ഉറവിടം’- ഓറി പറയുന്നു.

ഇത്തരം പരിപാടികളിൽ പങ്കെടുക്കുന്നതിന് തനിക്ക് 15 മുതൽ 30 ലക്ഷം രൂപ വരെ ലഭിക്കുന്നുണ്ടെന്നും ഓറി അവകാശപ്പെട്ടു.’ആളുകൾ എന്നെ കല്യാണത്തിന് വിളിക്കുന്നു, 15 ലക്ഷം മുതൽ 30 ലക്ഷം രൂപ വരെ എനിക്ക് തരാൻ അവർ സന്തുഷ്ടരാണ്. അതിഥിയായിട്ടല്ല, സുഹൃത്തായോ, വരന്റെ മറ്റാരെങ്കിലുമോ ആയിട്ടാണ് ഞാൻ പങ്കെടുക്കാൻ അവർ ആഗ്രഹിക്കുന്നത്. അതിനാൽ, അവരുടെ പരിപാടികളിൽ ഞാൻ അവിടെ വേണമെന്ന് അവർ ആഗ്രഹിക്കുന്നു’- അദ്ദേഹം പറഞ്ഞു.

Read also: കുട്ടികളെ ബലിനൽകി മമ്മിയാക്കിയ സാമ്രാജ്യം; ഇൻക സമൂഹത്തിന്റെ കപ്പാക്കോച്ച ആചാരം

നേരത്തെ, സൽമാൻ ഖാൻ്റെ റിയാലിറ്റി ഷോയിൽ വന്നപ്പോൾ ചിത്രങ്ങൾക്ക് പോസ് ചെയ്യാൻ 20 മുതൽ 30 ലക്ഷം രൂപ വരെ താൻ സമ്പാദിക്കുന്നുണ്ടെന്ന് ഒറി വെളിപ്പെടുത്തിയിരുന്നു. ‘ഞാൻ ചെയ്യുന്ന പോസ് ഉപയോഗിച്ച് ഇവൻ്റുകളിൽ ക്ലിക്കുചെയ്‌ത് അവ പോസ്റ്റുചെയ്യുന്നതിന് എനിക്ക് പ്രതിഫലം ലഭിക്കുന്നു. ഒരു രാത്രികൊണ്ട് ഈ ചിത്രങ്ങൾക്കായി ഞാൻ ഏകദേശം 20-30 ലക്ഷം രൂപ സമ്പാദിക്കുന്നു’ അദ്ദേഹം പറഞ്ഞു.

Story highlights- orry’s financial status revealed