ഇന്ദ്രൻസും മധുബാലയും ഒന്നിക്കുന്നു; പ്രൊഡക്ഷൻ നമ്പർ വണ്ണിന്റെ ചിത്രീകരണം പൂർത്തിയായി..!
ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജി നിർമ്മിച്ച പ്രൊഡക്ഷൻ നമ്പർ വണ്ണിന്റെ ഷൂട്ടിംഗ് പാക്കപ്പായി. പൂർണ്ണമായും വാരണാസിയിൽ ചിത്രീകരിച്ച ചിത്രത്തിൽ ഇന്ദ്രൻസും മധുബാലയുമാണ് കേന്ദ്ര കഥാപാത്രത്തിലെത്തുന്നത്. ഏറെ ശ്രദ്ധ നേടിയ ഹ്രസ്വചിത്രം ‘എന്റെ നാരായണി’ക്ക് ശേഷം വർഷ വാസുദേവ് ആണ് ഈ ചിത്രത്തിന്റെ രചനയും സംവിധാനവും നിർവഹിക്കുന്നത്. മലയാളത്തിൽ കുറെ വർഷക്കാലത്തെ ഇടവേളക്ക് ശേഷമാണ് ശക്തമായ കേന്ദ്ര കഥാപാത്രത്തിൽ മധുബാല അഭിനയിക്കുന്നത്. ഗോവിന്ദ് വസന്തയാണ് ചിത്രത്തിന്റെ സംഗീത സംവിധാനം നിർവഹിക്കുന്നത്. ( Production No1 starring indrans and madhubala Packup )
പ്രൊഡക്ഷൻ നമ്പർ വണ്ണിന്റെ അണിയറപ്രവർത്തകർ. നിർമ്മാണം: അഭിജിത് ബാബുജി – ബാബുജി പ്രൊഡക്ഷൻസ്, കഥ, തിരക്കഥ: വർഷ വാസുദേവ്, ഛായാഗ്രഹണം: ഫായിസ്‌ സിദ്ധിക്ക്, സംഗീതസംവിധാനം: ഗോവിന്ദ് വസന്ത, എഡിറ്റർ: റെക്ക്സൺ ജോസഫ്, പ്രൊഡക്ഷൻ കൺട്രോളർ: പ്രശാന്ത് നാരായൺ, ആർട്ട് ഡയറക്റ്റർ: സാബു മോഹൻ.
വസ്ത്രാലങ്കാരം: സമീറ സനീഷ്, മേക്കപ്പ്: രഞ്ജിത്ത് അമ്പാടി, സൗണ്ട് ഡിസൈനർ: രംഗനാഥ് രവി, കൊറിയോഗ്രാഫർ: ബ്രിന്ദ, ചീഫ് അസ്സോസിയേറ്റ് ഡയറക്‌ടർ: നവനീത് കൃഷ്ണ, സ്റ്റിൽസ്: നവീൻ മുരളി, ലൈൻ പ്രൊഡ്യൂസർ: ബിജു കോശി, പബ്ലിസിറ്റി ഡിസൈൻസ്: യെല്ലോ ടൂത്ത്, പി.ആർ.ഒ ആൻഡ് മാർക്കറ്റിങ് കൺസൽട്ടന്റ്: പ്രതീഷ് ശേഖർ.
Story Highlights : Production No1 starring indrans and madhubala Packup
