മലപ്പുറം എഫ്സിയുടെ നെഞ്ചിൽ ആണിയടിച്ച് 3-1ന്റെ തിളക്കമാർന്ന വിജയത്തോടെ തൃശൂർ മാജിക് എഫ്സി സൂപ്പർ ലീഗ് കേരള ഫൈനലിൽ
പ്രമുഖ നിർമാതാവായ ലിസ്റ്റിൻ സ്റ്റീഫന്റെയും ബ്രാൻഡ് അംബാസിഡറായ നടൻ കുഞ്ചാക്കോ ബോബന്റെയും ഉടമസ്ഥതയിലുള്ള തൃശൂർ മാജിക് എഫ്സി സൂപ്പർ ലീഗ് കേരള ഫൈനലിൽ. മലപ്പുറം എഫ്സിക്കെതിരെ 3-1ന്റെ ഉജ്ജ്വല ജയത്തോടെ ആണ് ഫൈനലിൽ പ്രവേശിച്ചത്. കഴിഞ്ഞ വർഷത്തെ അപേക്ഷിച്ചു ഇത്തവണ ഗംഭീരമായുള്ള വിജയങ്ങളും ഉജ്ജ്വലമായുള്ള തിരിച്ചുവരവും നടത്തിക്കൊണ്ടാണ് തൃശൂർ മാജിക് എഫ്സി മുന്നേറിയത്. ഫുട്ബോളിലെ വമ്പന്മാരായ മലപ്പുറത്തിനെതിരെ മൂന്ന് ഗോളിന്റെ വ്യത്യാസത്തിൽ ഉള്ള ഈ വിജയം ഫൈനലിൽ അവർക്കു കൂടുതൽ സാധ്യതയും കരുത്തും ആത്മാവിശ്വാസവും നേടി കൊടുത്തിട്ടുണ്ട്.
കാണികളെ ആവേശത്തിലാഴ്ത്തി മത്സരം കാണുവാൻ ഒട്ടനവധി സിനിമ താരങ്ങൾ എത്തിയിരുന്നു. നടിമാരായ ഷീലു എബ്രഹാം, പ്രിയ വാരിയർ നടന്മാരായ റോഷൻ മാത്യു, ശ്രീജിത്ത് രവി എന്നിവർ മത്സരം കാണുവാൻ എത്തി. പ്രമുഖ നടൻ ഷെയിൻ നിഗം തന്റെ വരാനിരിക്കുന്ന “ഹാൽ’ എന്ന ചിത്രത്തിന്റെ ഭാഗമായും എത്തിയത് കാണികളെ കൂടുതൽ ആവേശത്തിലാഴ്ത്തി .നടനെ കൂടാതെ ചിത്രത്തിന്റെ അണിയറ പ്രവർത്തകരും മത്സരം കാണുവാൻ എത്തിയിരുന്നു. ഹാൽ എന്ന സിനിമയുടെ പ്രചാരണവും തൃശ്ശൂർ മാജിക് എഫ്സി യുടെ വിജയവും തൃശ്ശൂരിന്റെ മണ്ണിൽ പതിനയ്യായിരം കാണികളെയും സാക്ഷിയാക്കി നടത്തി. ഫുട്ബോൾ ഇതിഹാസം ലയണൽ മെസ്സി ഇന്ത്യയിൽ എത്തിയപ്പോൾ ഉള്ള അതേ ആവേശം തന്നെ ഇന്നലെ തൃശ്ശൂരിന്റെ മണ്ണിൽ അലയടിച്ചു. ഐഎസ്ഐലിന്റെ മത്സരങ്ങൾ നടത്തുമ്പോൾ ഉണ്ടാകുന്നതിനേക്കാൾ കൂടുതൽ ആവേശം ഇത്തവണ സൂപ്പർ ലീഗ് കേരളയിൽ കാണാൻ കഴിഞ്ഞു. വരും സീസണുകളിൽ ഇന്ത്യയിൽ തന്നെ ഒരു മുൻനിര ലീഗ് ആയി സൂപ്പർ ലീഗ് കേരള മാറും എന്ന് ഉള്ളത് ഇന്നലെ തൃശ്ശൂരിൽ കാണാൻ കഴിഞ്ഞു.
Read Also- ബുക്ക് മൈ ഷോയിൽ റെക്കോർഡ് ട്രെൻഡിങ്ങുമായി ‘ഭ.ഭ. ബ’; ദിലീപ് ചിത്രത്തിൻ്റെ ആഗോള റിലീസ് ഡിസംബർ 18 ന്
മത്സരത്തിൽ മാര്ക്കസ് ജോസഫിന്റെ ഹാട്രിക്കാണ് തൃശൂരിനെ ഫൈനലിലെത്തിച്ചത്. കളിയുടെ തുടക്കം മുതലേ ആക്രമിച്ചു കളിച്ച തൃശൂരിനായി 26-ാം മിനിറ്റിൽ ഫ്രീകിക്കിലൂടെ മാർക്കസ് ജോസഫ് ലക്ഷ്യ കണ്ടു. എന്നാൽ ഒന്നാം പകുതി അവസാനിക്കാൻ മിനിറ്റുകൾ മാത്രം ബാക്കി നിൽക്കേ മലപ്പുറം തിരിച്ചടിച്ചു. 46-ാം മിനിറ്റിൽ എൽഫോഴ്സിയാണ് മലപ്പുറത്തിനായി സമനില ഗോൾ നേടിയത്. രണ്ടാം പകുതിയുടെ തുടക്കം മുതൽ മലപ്പുറം പിടിമുറുക്കി തുടങ്ങി. കാത്തിരിപ്പിന് വിരാമം ഇട്ടുകൊണ്ട് 84-ാം മിനിറ്റിൽ തൃശൂരിനായി മാർക്കസ് ജോസഫ് വീണ്ടും ഗോൾ വല കുലുക്കി.ഇഞ്ചുറി ടൈമിന്റെ അവസാനം മിനിറ്റിൽ മലപ്പുറത്തിന്റെ നെഞ്ചിൽ അവസാന ആണിയും അടിച്ച് മാർക്കസ് ജോസഫ് ഹാട്രിക് നേടി. ഇതോടെ ഫൈനലിൽ തൃശൂർ മാജിക് എഫ്സി നടൻ ആസിഫ് അലിയുടെ ഉടമസ്ഥതയിലുള്ള കണ്ണൂർ വാരിയേഴ്സ് എഫ്സിയെ നേരിടും. ഈ തിളക്കമാർന്ന വിജയം ഫൈനലിൽ തൃശ്ശൂരിന്റെ സ്വന്തം തൃശൂർ മാജിക്ക് എഫ്സിക്ക് കപ്പ് അടിക്കുവാൻ ആത്മവിശ്വാസവും കൂടുതൽ സാധ്യതയും നേടി കൊടുത്തത്. വാർത്താ പ്രചരണം : ബ്രിംഗ്ഫോർത്ത് മീഡിയ
Story Highlights: Thrissur Magic FC storm into the Super League Kerala final with a brilliant 3–1 victory over Malappuram FC
