ആരോഗ്യത്തിനും സൗന്ദര്യത്തിനും ബെസ്റ്റാണ് മാതളനാരങ്ങ

Pomegranate

കാഴ്ചയിലെ അഴക് പോലെ ഗുണത്തിന്റെ കാര്യത്തിലും കേമനാണ് മാതളനാരങ്ങ. വൈറ്റമിൻ സി, കെ, ബി തുടങ്ങി നിരവധി പോഷകങ്ങളടങ്ങിയ ഈ പഴത്തിൽ കാർബോഹൈഡ്രേറ്റ് ധാരാളമായി അടങ്ങിയിട്ടുണ്ട്. അതുകൊണ്ടുതന്നെ ഇത് കഴിക്കുന്നത് ശീലമാക്കിയാൽ  രോഗപ്രതിരോധ ശേഷി വർധിക്കും. രക്തത്തിലെ  ഹീമോഗ്ലോബിന്റെ അളവ് വർധിപ്പിക്കാനും വിളർച്ച പോലുള്ള അസുഖങ്ങൾ തടയുന്നതിനും ഉത്തമ പരിഹാരമാണ് മാതള നാരങ്ങ.

അതേസമയം ഹൃദ്രോഗം, രക്തസമ്മർദം, കൊളസ്‌ട്രോൾ, വൃക്ക രോഗങ്ങൾ എന്നിവയ്‌ക്കെല്ലാം പരിഹാരമാണ് ഈ ഫലം. ശരീരത്തിൽ അടിയുന്ന ചീത്ത കൊളസ്ട്രോളിനെ ഇല്ലാതാക്കാൻ അനാറിന് സാധിക്കും. ഹൃദയത്തിൽ അടിയുന്ന കൊഴുപ്പിനെ ഇല്ലാതാക്കാനും ഹൃദയത്തിൽ ഉണ്ടാകുന്ന അണുബാധ അകറ്റാനും മാതള നാരങ്ങയ്ക്ക് കഴിയും. ദഹന സംബന്ധിയായ പ്രശ്നങ്ങൾക്കും മാതള നാരങ്ങ ഒരു ഉത്തമ പരിഹാരമാണ്.

Read also: കാൽ വിരലുകൾക്കൊണ്ട് നിറക്കൂട്ടുകളെ ബ്രഷിൽ തൊട്ടെടുത്ത് ക്യാൻവാസിൽ അത്ഭുതം വിരിയിച്ച് ഒരു കലാകാരൻ, വീഡിയോ

വൃക്ക സംബന്ധമായ രോഗങ്ങളെ ഇല്ലാതാക്കാനും ദിവസേന മാതള നാരങ്ങ കഴിക്കുന്നത് ഉത്തമമാണ്. മാതളത്തിൽ അടങ്ങിയിരിക്കുന്ന ആന്റി ഓക്സിഡന്റ്സ് രക്ത സമ്മർദ്ദം കുറയ്ക്കാൻ സഹായിക്കും. അതുകൊണ്ടുതന്നെ ദിവസവും ഈ പഴം കഴിക്കുന്നത് ശീലമാക്കാം.

മൂത്രാശയത്തിലുണ്ടാക്കുന്ന കല്ലുകളെ അലിയിപ്പിച്ച് കളയാനും ഈ പഴത്തിന് കഴിയും. അതുപോലെ  കുട്ടികളിൽ ഉണ്ടാകുന്ന ദഹന സംബന്ധമായ അസുഖങ്ങൾക്കും ഉത്തമ പരിഹാരമാണ് മാതള നാരങ്ങ കഴിക്കുന്നത്. മാതള നാരങ്ങ പഴമായും ജ്യൂസടിച്ചുമെല്ലാം ഭക്ഷണത്തിൽ ഉൾപ്പെടുത്താം.

ആരോഗ്യത്തിന് പുറമെ സൗന്ദര്യ കാര്യത്തിലും മാതളം ഉപയോഗിക്കാം. മുഖത്തെ ചുളിവുകൾ മാറ്റാനും ചർമ്മം കൂടുതൽ തിളക്കമുള്ളതാകാനും ഏറ്റവും ബെസ്റ്റാണ് മാതളം. മാതളനാരങ്ങയുടെ കുരു റോസ് വാട്ടറിലിട്ട് അരച്ചെടുത്ത ശേഷം മുഖത്ത് പുരട്ടാം. അല്പസമയത്തിന് ശേഷം കഴുകിക്കളയാം ഇത് മുഖത്തെ കറുത്ത പാടുകളും ചുളിവുകളും ഇല്ലാതാക്കും.

മാതളത്തിന്റെ ഫലം മാത്രമല്ല തൊലി, പൂവ്, കായ്  ഇല എന്നിവയെല്ലാം ധാരാളം ഔഷധ ഗുണങ്ങളാൽ സമൃദ്ധമാണ്. അനാറിൽ അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിനെ ആഗീരണം ചെയ്ത് വിളർച്ച ഒഴിവാക്കാനും സഹായിക്കും.

Story Highlights: pomegranate can make your skin glow