തിയേറ്റർ റിലീസിന് ഒരുങ്ങി സൽമാൻ ഖാന്റെ ‘രാധേ; യുവർ മോസ്റ്റ് വാണ്ടഡ് ഭായ്’

മുൻപ് വാഗ്‌ദാനം ചെയ്തതുപോലെ സൽമാൻ ഖാന്റെ ഏറെ പ്രതീക്ഷ നൽകുന്ന ചിത്രം ‘രാധേ; യുവർ മോസ്റ്റ് വാണ്ടഡ് ഭായ്’ ഈ വർഷം തിയേറ്ററിലേക്ക് എത്തും. മേയ് 12ന് ഈദ് റിലീസായാണ് സൽമാൻ ഖാന്റെ രാധേ തിയേറ്ററുകളിലേക്ക് എത്തുന്നത്. തിയറ്റർ ഉടമകളെയും എക്സിബിറ്റർമാരെയും സഹായിക്കുന്നതിനായി തന്റെ സിനിമ തിയേറ്ററുകളിൽ റിലീസ് ചെയ്യുമെന്ന് വ്യക്തമാക്കി സൽമാൻ ഖാൻ ഒരു പ്രസ്താവന പുറത്തിറക്കിയിരുന്നു.

ചിത്രം കഴിഞ്ഞ വർഷം (മെയ് 22) ഈദിൽ തിയേറ്ററുകളിൽ എത്തിക്കാൻ തീരുമാനിച്ചിരുന്നെങ്കിലും കൊറോണ വൈറസ് പ്രതിസന്ധി കാരണം കാലതാമസം നേരിടുകയായിരുന്നു. രാധേ കാണാൻ തിയേറ്ററിലെത്തുന്ന പ്രേക്ഷകർക്കായി തിയറ്റർ ഉടമകൾ വളരെയധികം ശ്രദ്ധയും മുൻകരുതലുകളും സ്വീകരിക്കുമെന്ന് പ്രതീക്ഷിക്കുന്നതായും താരം പ്രസ്താവനയിൽ പറഞ്ഞിരുന്നു.

Read More: ദേ ഈ കുട്ടിയാണ് മലയാളികളുടെ മനം കവര്‍ന്ന ഇതിഹാസ നടന്‍

‘ക്ഷമിക്കണം, എല്ലാ തിയേറ്റർ ഉടമകളിലേക്കും മടങ്ങിവരാൻ എനിക്ക് വളരെയധികം സമയമെടുത്തു. ഈ സമയങ്ങളിൽ ഇത് ഒരു വലിയ തീരുമാനമാണ്. തിയേറ്റർ ഉടമകൾ / എക്സിബിറ്ററുകൾ നേരിടുന്ന സാമ്പത്തിക പ്രശ്നങ്ങൾ ഞാൻ മനസ്സിലാക്കുന്നു, രാധേ തിയേറ്ററുകളിൽ റിലീസ് ചെയ്തുകൊണ്ട് അവരെ സഹായിക്കാൻ ഞാൻ ആഗ്രഹിക്കുന്നു’- സൽമാൻ ഖാൻ കുറിക്കുന്നു.

Story highlights- Radhe Will Release In Theatres