മണിച്ചിത്രത്താഴില്‍ കറുത്തമ്മയും കൊച്ചുമുതലാളിയും ആയിരുന്നെങ്കില്‍ ദേ ഇതുപോലെ: ചിരിവിഡിയോ
ഗംഗയിപ്പോ എവിടെ പോകുന്നു…. ഈ ഡയലോഗ് പരിചിതമല്ലാത്ത മലയാളികള്‍ ഉണ്ടാവില്ല. മണിച്ചിത്രത്താഴ് എന്ന ക്ലാസിക് ചിത്രത്തിലെ സൂപ്പര്‍ ഹിറ്റ് രംഗത്തിന് തുടക്കം കുറിക്കുന്നത് ഈ വാചകത്തിലൂടെയാണ്. ശോഭനയും സുരേഷ് ഗോപിയും അനശ്വരമാക്കിയ ഗംഗയും നകുലനും എന്ന കഥാപാത്രങ്ങളും രംഗങ്ങളുമൊന്നും പ്രേക്ഷക മനസ്സില്‍ നിന്നും വിട്ടകന്നിട്ടില്ല. അത്രമേല്‍ സ്വീകാര്യത നേടിയിരുന്നു ചിത്രം.
ഈ രംഗത്തില്‍ മധുവും ഷീലയും ആയിരുന്നു അഭിനയിച്ചിരുന്നതെങ്കിലോ… അങ്ങനെയൊരു ആസ്വാദനം ലോക മലയാളികള്‍ക്കായി ഒരുക്കിയിരിക്കുകയാണ് ഫ്‌ളവേഴ്‌സ് സ്റ്റാര്‍ മാജിക്. മനോഹരമായ രംഗം രസകരമായി പുനഃരാവിഷ്‌കരിച്ചുകൊണ്ട് സ്റ്റാര്‍ മാജിക്കിലെ താരങ്ങളായ യുവ കൃഷ്ണയും ഐശ്വര്യ എന്ന ഐഷുവും കൈയടി നേടി.
ഷീലയും മധുവും അനശ്വരമാക്കിയ കറുത്തമ്മയും കൊച്ചുമുതലാളിയുമായിട്ടായിരുന്നു ഇരുവരുടേയും പ്രകടനം. മണിച്ചിത്രത്താഴ് എന്ന ചിത്രത്തില്‍ നകുലനും ഗംഗയ്ക്കും പകരം കൊച്ചുമുതലാളിയേയും കറുത്തമ്മയെയും ഇവര്‍ പുനഃസൃഷ്ടിച്ചു. എന്തായാലും രസകരമായ ഈ അനുകരണം സൈബര്‍ ഇടങ്ങളില്‍ ഹിറ്റായി മാറിയിരിക്കുകയാണ്.
ലോകമലയാളികള്‍ക്ക് ആസ്വാദനത്തിന്റെ വേറിട്ട ഭാവങ്ങള്‍ സമ്മാനിക്കുന്ന പരിപാടിയാണ് ഫ്‌ളവേഴസ് സ്റ്റാര്‍ മാജിക്. രസകരമായ കൗണ്ടറുകളും ഗെയിമുകളുടെ ആവേശവും താരക്കൂട്ടങ്ങളുടെ വേഷപ്പകര്‍ച്ചയുമൊക്കെയാണ് ഈ പരിപാടിയിലെ പ്രധാന ആകര്‍ഷണങ്ങള്‍. ഫ്‌ളവേഴ്‌സ് സ്റ്റാര്‍ മാജിക്കില്‍ അഥിതികളായെത്തുന്ന താരങ്ങളും പ്രേക്ഷകര്‍ക്കായി മികച്ച ആസ്വാദന വിരുന്നൊരുക്കുന്നു.
Story highlights: Yuvakrishna and Aiswarya recreates Manichithrathazhu movie scene
