സഖാവ് അലക്സിന്റെ ജീവിതം പറയുന്ന ഡിജിറ്റൽ ഫ്ലിപ്പ് ബുക്കുമായി മമ്മൂട്ടിയുടെ ‘പരോൾ’
പരസ്യ ചിത്രങ്ങളിലൂടെ ശ്രദ്ധേയനായ ശരത് സന്ദിത്ത് സംവിധാനം ചെയ്യുന്ന മമ്മൂട്ടി ചിത്രം ‘പരോളി’ന്റെ ഡിജിറ്റൽ ഫ്ലിപ് ബുക്ക് പുറത്തുവിട്ടു. സഖാവ് അലക്സിന്റെ ജീവിതം വരച്ചുകാട്ടുന്ന രീതിയിലാണ് ഫ്ലിപ്പ് ബുക്ക് ഒരുക്കിയിരിക്കുന്നത്.കര്‍ഷകനായ അലക്സിന്റെ ജീവിതത്തില്‍ നടക്കുന്ന അപ്രതീക്ഷിതമായി സംഭവ വികാസങ്ങളെ ഇതിവൃത്തമാക്കിയൊരുക്കുന്ന ‘പരോളി’നു വേണ്ടി തിരക്കഥയൊരുക്കിയത് അജിത് പൂജപ്പുരയാണ്.
സിദ്ദിഖ്,ലാലു അലക്‌സ്, സുധീര്‍ കരമന,സുരാജ് വെഞ്ഞാറമൂട്, അശ്വിന്‍ കുമാര്‍, ഇര്‍ഷാദ്, കൃഷ്ണകുമാര്‍, കലാശാര ബാബു, തുടങ്ങിയവരാണ് ചിത്രത്തിലെ മറ്റു പ്രധാനകഥാപാത്രങ്ങളെ അവതരിപ്പിക്കുന്നത്. മിയയും ഇനിയയുമാണ് നായിക വേഷങ്ങൾ കൈകാര്യം ചെയ്യുന്നത്. ആന്റണി ഡിക്രൂസ് എന്റെർറ്റൈന്മെന്റിന്റെ ബാനറിൽ ആന്റണി ഡിക്രൂസാണ് ചിത്രം നിർമിക്കുന്നത്..
മമ്മൂട്ടിയുടെ കരിയറിൽ ഇതുവരെ കണ്ടിട്ടില്ലാത്ത വിധം വ്യത്യസ്ഥതയാർന്ന ഒരു കഥാപാത്രമായാണ് ‘പരോളി’ൽ മെഗാസ്റ്റാർ എത്തുകയെന്ന് സംവിധായകൻ ശരത് സന്ദിത്ത് നേരെത്തെ വ്യക്തമാക്കിയിരുന്നു. ചിത്രത്തിന് അനുയോജ്യമായ പേരുകളൊന്നും ലഭിക്കാതിരുന്ന സാഹചര്യത്തിൽ ‘പരോൾ’ എന്ന പേരു നിർദ്ദേശിച്ചതും മമ്മൂട്ടിയായിരുന്നു.
