lakshya

മഴക്കെടുതിയിൽ ദുരിതമനുഭവിക്കുന്നവർക്കൊപ്പം ചേർന്ന് ‘പടയോട്ടം’ ടീമും; ചിത്രത്തിന്റെ റിലീസ് നീട്ടി

August 15, 2018

ബിജു മേനോൻ നായകനായി എത്തുന്ന പുതിയ ചിത്രം ‘പടയോട്ട’ത്തിന്റെ റിലീസ് തിയതി നീട്ടിവെച്ചു. കനത്ത മഴയെത്തുടർന്ന്   ദുരിതമനുഭവിക്കുന്ന പ്രിയപ്പെട്ടവരുടെ വേദനയിൽ പങ്കുചേരുന്ന സാഹചര്യത്തിൽ ആഗസ്റ്റ് 17 വെള്ളിയാഴ്ച റിലീസ് ചെയ്യാനിരുന്ന പടയോട്ടത്തിന്റെ റിലീസ് മാറ്റിവെച്ചതായി ചിത്രത്തിന്റെ അണിയറ പ്രവർത്തകർ അറിയിച്ചു. പുതുക്കിയ തിയതി ഉടൻ അറിയിക്കുമെന്നും നിര്‍മ്മാതാവ് സോഫിയ പോള്‍ തന്റെ ഫേസ്ബുക്ക് പേജിലൂടെ അറിയിച്ചു.

നവാഗതനായ റഫീക്ക് ഇബ്രാഹിം സംവിധാനം ചെയ്യുന്ന ചിത്രത്തിൽ ചെങ്കൽ രഘു എന്ന കഥാപാത്രമായാണ് ബിജു മേനോൻ വേഷമിടുന്നത്. കോമഡി എന്റെർറ്റൈനർ വിഭാഗത്തിൽ പുറത്തിറങ്ങുന്ന ചിത്രം തികച്ചും ഒരു കുടുംബ ചിത്രമായിരിക്കും.

ബിജു മേനോനൊപ്പം ചിത്രത്തിൽ സൈജു കുറുപ്പ്, ലിജോ ജോസ് പെല്ലിശ്ശേരി, ആണ് സിത്താര എന്നിവരും പ്രധാന കഥാപാത്രത്തെ അവതരിപ്പിക്കുന്നു. ഹാസ്യാത്മകമായി ചിത്രീകരിച്ചിരിക്കുന്ന ചിത്രം ചെങ്കൽ രഘു എന്ന കഥാപാത്രവും സംഘങ്ങളും കാസർഗോഡു മുതൽ തിരുവനന്തപുരം വരെ നടത്തുന്ന യാത്രയും അതിനോട് അനുബന്ധിച്ച് നടക്കുന്ന സംഭവ വികാസങ്ങളുമാണ്പറയുന്നത്.

ചിത്രത്തിന്റെ തിരക്കഥ കൈകാര്യം ചെയ്തിരിക്കുന്നത് അരുൺ എ ആർ, അജയ് രാഹുൽ എന്നിവർ ചേർന്നാണ്. ‘ബാംഗ്ലൂർ ഡേയ്സ്’, ‘മുന്തിരി വള്ളികൾ തളിർക്കുമ്പോൾ’ എന്നീ ചിത്രങ്ങൾ നിർമ്മിച്ച വീക്കെൻഡ് ബ്ലോക്ക് ബസ്‌റ്റേഴ്‌സാണ് പടയോട്ടവും നിർമ്മിക്കുന്നത്.