വൈറലായി ‘ഫ്രഞ്ച് വിപ്ലവ’ത്തിലെ കള്ളുകുടിയൻ; ക്യാരക്റ്റർ പോസ്റ്ററുകൾ കാണാം

October 18, 2018

സണ്ണി വെയ്ൻ നായകനായി എത്തുന്ന പുതിയ ചിത്രം ഫ്രഞ്ച് വിപ്ലവത്തിലെ പുതിയ ക്യാരക്റ്റർ പോസ്റ്റർ പുറത്തുവിട്ടു. നവാഗത സംവിധായകൻ മജു ഒരുക്കുന്ന ചിത്രം ഈ മാസം 26 നാണ് തിയേറ്ററുകളിൽ എത്തുന്നത്. ചിത്രത്തിന്റേതായി പുറത്തിറങ്ങിയ പാട്ടുകൾക്കും ട്രെയ്‌ലറിനും പോസ്റ്ററുകൾക്കും മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. കഴിഞ്ഞ ദിവസം പുറത്തിറങ്ങിയ ലാലിൻറെ ക്യാരക്റ്റർ പോസ്റ്ററാണിപ്പോൾ ആരാധകർ ഏറ്റെടുത്തിരിക്കുന്നത്.

പട്ട ശിശുപാലൻ എന്ന കള്ളുകുടിയന്റെ വേഷത്തിലാണ് പോസ്റ്ററിൽ ലാൽ എത്തുന്നത്. ചിത്രത്തിൽ ഒരു ഗ്രാമത്തിലുള്ള റിസോര്‍ട്ടിലെ പാചകക്കാരനായാണ് സണ്ണി വെയ്ൻ എത്തുന്നത്. സത്യനെന്നാണ് ചിത്രത്തിൽ സണ്ണി അവതരിപ്പിക്കുന്ന കഥാപാത്രത്തിന്റെ പേര്. തികച്ചും ഹാസ്യത്തിന് പ്രാധാന്യം നൽകുന്ന ചിത്രമാണ് ഫ്രഞ്ച് വിപ്ലവം.

‘ഈ മ യൗ’ എന്ന ലിജോ ജോസ് പെലിശ്ശേരിയുടെ ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച ആര്യയാണ് ഈ സിനിമയിലും നായികയായെത്തുന്നത്. മീര എന്ന കഥാപാത്രത്തെയാണ് ആര്യ അവതരിപ്പിക്കുന്നത്. ലാല്‍ , ചെമ്പന്‍ വിനോദ്, കലിംഗ ശശി, വിഷ്ണു, ഉണ്ണിമായ, കൃഷ്ണ തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്‍.

1966 കാലഘട്ടത്തിലെ കഥയാണ് ചിത്രത്തിന്റെ മുഖ്യപ്രമേയം. ആ കാലഘട്ടത്തിലെ രാഷ്ട്രീയ സംഭവങ്ങളും അത് അവിടുത്തെ ഗ്രാമത്തിലെ സാധാരണ ജനങ്ങളിൽ ഉണ്ടാക്കുന്ന മാറ്റങ്ങളുമാണ് ചിത്രത്തിന്റെ പ്രമേയമായി അവതരിപ്പിക്കുന്നത്. ചിത്രത്തിന്റേതായി പുറത്തിറങ്ങിയ ഗാനങ്ങൾക്കും പോസ്റ്ററുകൾക്കും മികച്ച പ്രതികരണമാണ് പ്രേക്ഷകർക്കിടയിൽ നിന്നും ലഭിക്കുന്നത്.

ചിത്രത്തിന്റേതായി പുറത്തിറങ്ങിയ ക്യാരക്റ്റർ പോസ്റ്ററുകൾ കാണാം..