ഏതോ ജന്മ കല്പനയില്‍… മനോഹരഗാനവുമായി അലീനിയ
ടോപ് സിംഗര്‍വേദിയില്‍ ആലാപനമികവുകൊണ്ട് പ്രേക്ഷകരുടെ ഇഷ്ടതാരമായി മാറിയ കുട്ടിത്താരമാണ് അലീനിയ. ഫേവറേറ്റ് റൗണ്ടില്‍ ഏതോ ജന്മ കല്പനയില്‍… എന്നു തുടങ്ങുന്ന ഗാനമാണ് അലീനിയ ആലപിച്ചത്.
പാളങ്ങള്‍ എന്ന ചിത്രത്തിലേതാണ് ഈ ഗാനം. പൂവ്വച്ചല്‍ ഖാദറിന്റെ വരികള്‍ക്ക് ജോണ്‍സണ്‍ മാസ്റ്റര്‍ സംഗീതം പകര്‍ന്നിരിക്കുന്നു. ഉണ്ണി മേനോനും വാണി ജയറാമും ചേര്‍ന്നാണ് സിനിമയില്‍ ഈ ഗാനം ആലപിച്ചിരിക്കുന്നത്.
പാട്ടിന്റെ ലോകത്തെ മാന്ത്രിക കലാകാരന്മാരെ കണ്ടെത്തുന്നതിനായി ഫ്ലവേഴ്സ് ഒരുക്കിയ പരുപാടിയാണ് ടോപ് സിംഗർ. പാട്ടിനൊപ്പം കുസൃതിത്തരങ്ങളുമായി എത്തുന്ന കുട്ടിക്കുറുമ്പന്മാർക്കൊപ്പം കൂട്ടുകൂടുന്ന വിധികർത്താക്കളും കൂടി എത്തുന്നതോടെ ടോപ് സിംഗർ വേദി അനുഗ്രഹീതമാവുകയാണ്..
ഫ്ളവേഴ്‌സ് ടോപ് സിംഗറിനു വേണ്ടി കേരളത്തിലെ എല്ലാ ജില്ലകളിലും ഓഡിഷന്‍ നടത്തിയിരുന്നു. ഇതിനുപുറമെ സാമൂഹ്യമാധ്യമങ്ങളിലൂടെ ലൈവ് ഓഡിഷനും നടത്തി. ഓഡിഷനിലെ വിവിധ കടമ്പകള്‍ കടന്നെത്തിയ കുട്ടി ഗായകരാണ് ടോപ് സിംഗര്‍ റിയാലിറ്റി ഷോയില്‍ മാറ്റുരയ്ക്കുന്നത്.
