അനന്തരം: കരുണ വറ്റാത്ത നല്ല മനസ്സുകളുടെ സഹായം കാത്ത് മൃദുല്‍
ആത്മവിശ്വാസത്തിന്റെ കരുത്തും കാരുണ്യത്തിന്റെ സാന്ത്വന സ്പര്‍ശവുമായി ഫ്‌ളവേഴ്‌സ് ടിവി ആരംഭിച്ച പരിപാടിയാണ് അനന്തരം. മഹാരോഗങ്ങളോട് പൊരുതി ജീവിതം മുഴുവന്‍ ദുരിതങ്ങള്‍ സഹിക്കുന്നവരെ സംഘടിപ്പിക്കുകയും, ജീവിക്കാന്‍ പാടുപെടുന്ന അവര്‍ക്ക് സാമ്പത്തിക സഹായങ്ങള്‍ ഉള്‍പ്പെടെയുള്ള കാര്യങ്ങള്‍ ചെയ്തുകൊടുക്കാന്‍ സാധിക്കുന്ന ലോക മലയാളികളെ സംഘടിപ്പിക്കുകയും ചെയ്യുക എന്നതാണ് ‘അനന്തരം’ പരിപാടിയുടെ മുഖ്യ ലക്ഷ്യം. നിരവധി പേര്‍ക്കാണ് അന്തരം പരിപാടിയിലൂടെ സഹായങ്ങള്‍ ലഭിയ്ക്കുന്നത്.
അനുദിനവും മഹാരോഗത്തോട് പോരാടുകയാണ് മൃദുല്‍. പാലക്കാട് സ്വദേശിയായ മൃദുലിന് പതിനേഴ് വയസ്സാണ് പ്രായം. കൂലിപ്പണിക്കാരനായ ബാലകൃഷ്ണനാണ് മൃദുലിന്റെ അച്ഛന്‍. അമ്മ ലത. കൂലിപ്പണി ചെയ്ത് ബാലകൃഷ്ണന്‍ സ്വരുക്കൂട്ടിയ പണമെല്ലാം മകന്റെ ചികിത്സയ്ക്കായി ചിലവഴിച്ചുകൊണ്ടിരിക്കുകയാണ്.
എട്ട് വയസ്സു മുതല്‍ രോഗത്തോട് പോരാടുകയാണ് മൃദുല്‍. ഫ്രെഡറിക് അറ്റാക്കിയ എന്നാണ് രോഗത്തിന്റെ പേര്. കേരളത്തിലെ വിവിധ ആശുപത്രികളില്‍ ചികിത്സിച്ചു. എന്നാല്‍ ഇപ്പോഴും ഒരു മാസത്തെ മരുന്നിന് വേണ്ടുന്ന പണത്തിനുപോലും പ്രയാസമനുഭവിക്കുകയാണ് ഈ കുടുംബം. നന്മ ചാരിറ്റബിള്‍ സൊസൈറ്റി സഹായം വാഗ്ദാനം ചെയ്തിട്ടുണ്ട്. നിര്‍ധനരായ മൃദുലിന്റെ കുടുംബം സമൂഹത്തിലെ കരുണ വറ്റാത്ത നല്ല മനസുകളുടെ സഹായത്തിനായി കാത്തിരിക്കുകയാണ്…
ബാങ്ക് ഡീറ്റെയില്‍സ്
NAME: FLOWERS FAMILY CHARITABLE SOCIETY
BANK:PUNJAB NATIONAL BANK
ACCOUNT NO: 4291002100013564
BRANCH: KATHRIKADAVU,ERNAKULAM
IFSC CODE: PUNB0429100
ACCOUNT TYPE: CURRENT A/C
