പൂച്ചക്കുഞ്ഞുങ്ങളെ കണ്ട് പിണങ്ങിയ നായയെ ആശ്വസിപ്പിച്ച് അമ്മപ്പൂച്ച- രസകരമായ വീഡിയോ
പുതിയ ഒരു അതിഥി വീട്ടിലേക്ക് എത്തുമ്പോൾ എല്ലാവർക്കും സന്തോഷമാണ്. എന്നാൽ ചിലർ പുതിയ ആളെ ഉൾക്കൊള്ളാനാകാതെ അമ്പരന്നും അകന്നുമൊക്കെ നിൽക്കാറുണ്ട്. അത് മനുഷ്യന്റെ മാത്രം പ്രത്യേകതയല്ല. മൃഗങ്ങൾക്കും ഈ സ്വഭാവരീതിയുണ്ടെന്ന് വ്യക്തമാക്കുകയാണ് ഒരു വീഡിയോ.
നായയും പൂച്ചയുമൊക്കെ സുഹൃത്തുക്കളായി കഴിഞ്ഞിരുന്ന വീട്ടിലേക്ക് പൂച്ചയുടെ കുഞ്ഞുങ്ങൾ എത്തി. നായക്ക് ഈ പുതിയ അതിഥികളെ ഒട്ടും രസിച്ചില്ല എന്ന് വീഡിയോയിൽ വ്യക്തമാണ്. പൂച്ചക്കുഞ്ഞുങ്ങളെ ഭയപ്പെടുത്താൻ ശ്രമിച്ച് നിരാശയോടെ അല്പം ഭയത്തോടെ പിന്മാറുന്ന നായയെ അമ്മപ്പൂച്ച ആശ്വസിപ്പിക്കുകയാണ്.
Good boy is nervous of new kittens… Momma cat helps calm him down with some brushes pic.twitter.com/ADwfo6Oy1e
— Back To Nature (@backt0nature) June 17, 2020
നായയെ ചേർന്ന് ഉരുമ്മിയും മറ്റും പൂച്ച, സമാധാനിപ്പിക്കാൻ ശ്രമിക്കുകയാണ്. സാധാരണ കുഞ്ഞുങ്ങൾ ഉണ്ടാകുന്ന സമയത്ത് ആരെയും അടുപ്പിക്കാനോ, തൊടാനോ സമ്മതിക്കാറില്ല പൂച്ചകൾ. എന്നാൽ ഇവിടെ നേരെ മറിച്ചാണ് സംഭവിച്ചത്. വളരെ കൗതുകകരമായ വീഡിയോ, സമൂഹമാധ്യമങ്ങളിൽ ശ്രദ്ധേയമാകുകയാണ്.
Story highlights-cat trying to comforting anxious dog
