ലൈറ്റ്‌സ്, ക്യാമറ, മാസ്ക് ഓൺ ആക്ഷൻ; ‘ബെൽ ബോട്ടം’ ചിത്രീകരണ വിശേഷങ്ങളുമായി അക്ഷയ് കുമാർ, വീഡിയോ
കൊവിഡ് പാശ്ചാത്തലത്തിൽ സിനിമ മേഖല ഉൾപ്പടെ കഴിഞ്ഞ കുറച്ച് നാളുകളായി നിശ്ചലമായിരുന്നു. എന്നാൽ കർശനമായ സുരക്ഷാ ക്രമീകരണങ്ങളും കൊവിഡ് മാനദണ്ഡങ്ങളും പാലിച്ച് ബോളിവുഡ് ഉൾപ്പെടെയുള്ള സിനിമ മേഖല ചിത്രീകരണങ്ങൾ ആരംഭിച്ചിരുന്നു. ഇപ്പോഴിതാ അക്ഷയ് കുമാർ നായകനാകുന്ന ബോളിവുഡ് ചിത്രം ബെൽ ബോട്ടത്തിന്റെ ചിത്രീകരണം ആരംഭിച്ച വിശേഷങ്ങൾ സമൂഹമാധ്യമങ്ങളിൽ പങ്കുവെച്ചിരിക്കുകയാണ് അക്ഷയ് കുമാർ. ലണ്ടനിലാണ് സിനിമയുടെ ചിത്രീകരണം നടക്കുന്നത്.
ക്ലാപ് ബോർഡ് പിടിച്ചുകൊണ്ടുള്ള അക്ഷയ് കുമാറിന്റെ ഒരു വീഡിയോ പങ്കുവെച്ചുകൊണ്ടാണ് ചിത്രീകരണം ആരംഭിച്ച വിവരം അക്ഷയ് കുമാർ പങ്കുവെച്ചത്. ‘ലൈറ്റ്‌സ്, ക്യാമറ, മാസ്ക് ഓൺ ആൻഡ് ആക്ഷൻ’ എന്നാണ് വീഡിയോയിൽ അക്ഷയ് പറയുന്നത്. കൊറോണ വൈറസ് വ്യാപനത്തിന്റെ പാശ്ചാത്തലത്തിൽ ഫേസ് മാസ്കുകൾ നിർബന്ധമായതോടെ, മറ്റ് എല്ലാ അത്യാവശ്യ വസ്തുക്കൾക്കൊപ്പം തന്നെ ഫേസ് മാസ്കുകളും ഇടം തേടിക്കഴിഞ്ഞു, അതിന്റെ ഭാഗമായാണ് ലൈറ്റ്‌സ്, ക്യാമറ എന്നിവയ്ക്ക് ശേഷം മാസ്ക് ഓൺ എന്ന് കൂടി അദ്ദേഹം പറഞ്ഞുവച്ചത്. രസകരമായ ഈ വീഡിയോയിലൂടെ ഈ പശ്ചാത്തലത്തിൽ മാസ്ക് ധരിക്കേണ്ടതിന്റെ പ്രാധാന്യത്തെക്കൂടി ഓർമ്മിപ്പിക്കുന്നുണ്ട്.
രഞ്ജിത്ത് എം തിവാരി സംവിധാനം ചെയ്യുന്ന സ്പൈ ത്രില്ലര്‍ ചിത്രമാണ് ‘ബെൽ ബോട്ടം’. എണ്‍പതുകള്‍ പശ്ചാത്തലമാക്കുന്ന സിനിമയാണ് ബെല്‍ ബോട്ടമെന്നാണ് സൂചന. ചിത്രത്തിൽ നായികയായി എത്തുന്നത് വാണി കപൂര്‍ ഹുമ ഖുറേഷിയും ലാറ ദത്തയും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
Story Highlights: akshay kumar starts shooting of bell bottom
