രാജസ്ഥാനെതിരെ ബാറ്റിങ് തുടങ്ങി മുംബൈ
ഐപിഎല്‍ പതിമൂന്നാം സീസണില്‍ ഇന്ന് പോരാട്ടം രാജസ്ഥാന്‍ റോയല്‍സും മുംബൈ ഇന്ത്യന്‍സും തമ്മില്‍. ടോസ് നേടിയ മുംബൈ ഇന്ത്യന്‍സ് ബാറ്റിങ് തെരഞ്ഞെടുക്കുകയായിരുന്നു. തുടര്‍ വിജയങ്ങളുടെ ആവേശത്തിലാണ് മുംബൈ ഇന്ത്യന്‍സ് കളത്തിലിറങ്ങിയിരിക്കുന്നതും. അതേസമയം തുടര്‍ തോല്‍വികളുടെ നിരാശ മറികടക്കുക എന്ന ലക്ഷ്യമാണ് രാജസ്ഥാന്‍ റോയല്‍സിനും. അബുദാബി ഷെയ്ഖ് സായിദ് സ്‌റ്റേഡിയത്തിലാണ് മത്സരം.
മൂന്ന് മാറ്റങ്ങളുമായാണ് രാജസ്ഥാന്‍ റോയല്‍സ് ഇന്ന് കളത്തിലിറങ്ങുന്നത്. അണ്ടര്‍ 19 ലോകകപ്പിലൂടെ ശ്രദ്ധേയനായ യുവ പേസര്‍ കാര്‍ത്തിക് ത്യാഗി ഐപിഎല്ലില്‍ അരങ്ങേറ്റം കുറിച്ചിരിക്കുകയാണ് ഇന്നത്തെ മത്സരത്തിലൂടെ. അങ്ക്ത് രാജ്പുത്ത്, യശ്വസി ജയ്‌സ്വാള്‍ എന്നിവരും ടീമില്‍ ഇന്ന് ഇടം നേടിയിട്ടുണ്ട്.
സീസണിലെ തുടര്‍ച്ചയായ മൂന്നാം ജയമാണ് മുംബൈയുടെ ലക്ഷ്യം നിലവില്‍ പോയിന്റ് പട്ടികയില്‍ രണ്ടാം സ്ഥാനത്താണ് മുംബൈ.
Story highlights: MI Chose to bat
