‘ശിശിരകാല മേഘമിഥുന രതിപരാഗമോ..’- പ്രണയപൂർവം യമുന പാടുന്നു
മലയാളികളുടെ എക്കാലത്തെയും പ്രിയപ്പെട്ട പ്രണയചിത്രമാണ് ദേവരാഗം. 1996-ൽ ഭരതൻ സംവിധാനം ചെയ്ത ചിത്രത്തിൽ ശ്രീദേവിയും അരവിന്ദ് സ്വാമിയുമാണ് വേഷമിട്ടിരുന്നത്. ദേവരാഗത്തിലെ ഓരോ ഗാനങ്ങളും അന്നും ഇന്നും മലയാളികൾക്കിടയിൽ ഹിറ്റാണ്. ഇപ്പോഴിതാ, ദേവരാഗത്തിലെ ‘ശിശിര കാല..’ എന്ന് തുടങ്ങുന്ന മനോഹര ഗാനത്തിന്റെ കവർ വേർഷൻ ശ്രദ്ധ നേടുകയാണ്.
പി ജയചന്ദ്രനും കെ എസ് ചിത്രയും സിനിമയിൽ ആലപിച്ച ഗാനത്തിന് കവർ ഒരുക്കിയിരിക്കുന്നത് യമുന മാത്യുവാണ്. യമുന തന്നെയാണ് വീഡിയോ ഗാനത്തിലെത്തുന്നതും. എം കീരവാണി സംഗീതം പകർന്ന ഗാനത്തിന്റെ കവർ വേർഷനും വളരെയധികം ശ്രദ്ധനേടുകയാണ്. ഈപ്പൻ കുരുവിളയാണ് പ്രോഗ്രാമിംഗ്. കവർ ഗാനത്തിന്റെ ആശയവും സംവിധാനവും സിനോ ആന്റണിയാണ്. ക്യാമറ കൈകാര്യം ചെയ്തിരിക്കുന്നത് സാംസൺ പിണക്കനാട്.
Read More: മോഹന്‍ലാല്‍ തിരക്കിലാണ് അടുക്കളയില്‍ അല്‍പം പാചകവുമായി: വീഡിയോ
ബാലനടിയായി മലയാളത്തിലേക്കെത്തിയ ശ്രീദേവി നായികയായി അഭിനയിച്ച ഏക മലയാള ചിത്രമാണ് ദേവരാഗം. ചിത്രത്തിലെ എല്ലാ ഗാനങ്ങളും എം. ഡി രാജേന്ദ്രനാണ് രചിച്ചത്. ഈണം പകർന്നത് എം കീരവാണിയും. മണി ഷൊർണൂരിന്റെ രചനയിൽ ഭരതൻ സംവിധാനവും നിർമാണവും നിർവഹിച്ച ചിത്രം കൂടിയാണ് ദേവരാഗം.
Story highlights- devaragam movie song cover version
