ചക്കരമാവിന്റെ കൊമ്പത്തിരിക്കണ മാമ്പഴം പോലത്തെ മങ്കപ്പെണ്ണേ… രസികന്‍ പാട്ടിന് തകര്‍പ്പന്‍ ഡാന്‍സുമായി വീണ്ടും വൃദ്ധി വിശാല്‍
വൃദ്ധി വിശാല്‍ എന്ന കൊച്ചുമിടുക്കിയുടെ പേര് പരിചിതമല്ലാത്തവര്‍ കുറവായിരിക്കും. മനോഹരമായി നൃത്തം ചെയ്ത് സൈബര്‍ ഇടങ്ങളില്‍ താരമായതാണ് ഈ കൊച്ചുമിടുക്കി. ഇപ്പോഴിതാ വീണ്ടും ശ്രദ്ധ നേടുകയാണ് വൃദ്ധി വിശാലിന്റെ ഒരു നൃത്ത വിഡിയോ. നിഷ്‌കളങ്കത നിറഞ്ഞ മുഖഭാവത്തോടെ മനോഹരമായി നൃത്തം ചെയ്യുന്ന വൃദ്ധിയെ പ്രശംസിച്ചുകൊണ്ടും നിരവധിപ്പേര്‍ രംഗത്തെത്തുന്നു.
‘ചക്കരമാവിന്റെ കൊമ്പത്തിരിക്കണ മാമ്പഴം പോലത്തെ മങ്കപ്പെണ്ണേ’ എന്ന രസികന്‍ ഗാനത്തിനാണ് വൃദ്ധി മനോഹരമായി ചുവടുകള്‍ വയ്ക്കുന്നത്. വിനയന്‍ സംവിധാനം നിര്‍വഹിച്ച അദ്ഭുതദ്വീപ് എന്ന ചിത്രത്തിലേതാണ് ഈ ഗാനം. അലക്‌സ് ആണ് സിനിമയില്‍ ഈ ഗാനം ആലപിച്ചിരിക്കുന്നത്. എം ജയചന്ദ്രന്‍ സംഗീതം പകര്‍ന്നിരിക്കുന്നു. കൈതപ്രം ദാമോദരന്‍ നമ്പൂതിരിയുടേതാണ് വരികള്‍.
അതേസമയം വൃദ്ധി വിശാല്‍ മലയാള സിനിമയിലേക്ക് അരങ്ങേറ്റം കുറിച്ചിരിക്കുകയാണ്. കടുവ എന്ന ചിത്രത്തിലൂടെയാണ് ചലച്ചിത്രപ്രവേശനം. ചിത്രത്തില്‍ പൃഥ്വിരാജിന്റെ മകളായിട്ടാണ് കുട്ടിത്താരം എത്തുന്നത്. ഷാജി കൈലാസ് ആണ് ചിത്രത്തിന്റെ സംവിധായകന്‍.
Story highlights: Vridhi dance for Adbhuthadweep song
