ബിബിസി വരെയെത്തിയ മിയക്കുട്ടിയുടെ പാട്ട് വിശേഷങ്ങൾ; ഇങ്ങനെ പാടിയാൽ അതുക്കും മേലെന്ന് മിയക്കുട്ടിയെ അന്വേഷിച്ച് ആളുകൾ വരുമെന്ന് ജഡ്‌ജസ്
അതിശയിപ്പിക്കുന്ന ആലാപനമികവിനൊപ്പം കളിയും ചിരിയും കുസൃതികളുമായി വേദിയിൽ സുന്ദര നിമിഷങ്ങൾ സമ്മാനിക്കുന്ന കൊച്ചുമിടുക്കിയാണ് മിയക്കുട്ടി. ഓരോ തവണയും മനോഹരമായ പാട്ടുമായി എത്തുന്ന ഈ കൊച്ചുമിടുക്കി രസകരമായ കൊച്ചുവാർത്തമാനങ്ങളുമായി വേദിയെ കൂടുതൽ സുന്ദരമാക്കാറുണ്ട്. ആലാപന മാധുര്യംകൊണ്ട് മലയാളികളുടെ പ്രിയങ്കരിയായി മാറിയ ഈ കൊച്ചുമിടുക്കിയുടെ പാട്ട് ഇതിനോടകം ലോകം മുഴുവനുമുള്ള ടോപ് സിംഗർ ആരാധകർക്കിടയിൽ ശ്രദ്ധ നേടിയതാണ്. ഇപ്പോഴിതാ ബിബിസി വരെയെത്തിയിരിക്കുകയാണ് മിയക്കുട്ടിയുടെ പാട്ട് വിശേഷങ്ങൾ.
ആലാപനമാധുര്യംകൊണ്ട് വീണ്ടും വേദിയെ വിസ്മയിപ്പിക്കാൻ എത്തിയിരിക്കുകയാണ് ഈ കൊച്ചുമിടുക്കി. ‘കരിവള വിൽക്കണ പെട്ടിക്കാരാ’ എന്ന പാട്ടുമായാണ് മിയക്കുട്ടി ഇത്തവണ വേദിയിൽ എത്തിയത്. അതിഗംഭീരമായ ആലാപനത്തിനൊപ്പം മികച്ച പ്രകടനമാണ് ഇത്തവണയും മിയക്കുട്ടി വേദിയിൽ കാഴ്ചവെച്ചത്.
പാട്ടുപോലെത്തന്നെ നിഷ്‌കളങ്കത നിറഞ്ഞ മറുപടികൊണ്ടും മിയക്കുട്ടി പ്രേക്ഷക ലക്ഷങ്ങളുടെ മനസ്സ് കവരുന്നുണ്ട്. മിയക്കുട്ടി നല്‍കുന്ന രസകരങ്ങളായ മറുപടികൾ പലപ്പോഴും സൈബര്‍ ഇടങ്ങളില്‍ ശ്രദ്ധ നേടാറുണ്ട്. പലപ്പോഴും ജഡ്ജസിനെപ്പോലും ഞെട്ടിക്കുന്ന പ്രകടനമാണ് ഈ കൊച്ചുമിടുക്കി കാഴ്ചവെക്കാറുള്ളത്.
പ്രേക്ഷകരുടെ സ്വീകരണ മുറികളിൽ ഇതിനോടകം ഇടംനേടിയതാണ് ഫ്ളവേഴ്‌സ് ടോപ് സിംഗർ. ആലാപനമാധുര്യം കൊണ്ട് സംഗീതപ്രേമികളുടെ ഹൃദയത്തിൽ ഇടംനേടിയ ഒരുപിടി കൊച്ചുഗായകരാണ് ടോപ് സിംഗർ വേദിയിൽ മാറ്റുരയ്ക്കാൻ എത്തുന്നത്.
Story highlights: Cute perfomance of Miya in Flowers Top Singer
