കൈതപ്പൂവിന്‍ കന്നികുറുമ്പില്‍…; എംജി ശ്രീകുമാറിനൊപ്പം പാട്ടു പാടി മഞ്ജു വാര്യരും; ആ ചിരിയാണ് ഹൈലൈറ്റ്
മലയാളികള്‍ എക്കാലത്തും ഹൃദയത്തിലേറ്റുന്ന ചലച്ചിത്രതാരമാണ് മഞ്ജു വാര്യര്‍. നിരവധിയാണ് താരം സമ്മാനിച്ചിട്ടുള്ള കഥാപാത്രങ്ങളും. അഭിനയമികവില്‍ മാത്രമല്ലാ സ്വരമാധുര്യത്തിലും പലപ്പോഴും അതിശയിപ്പിക്കാറുണ്ട് മഞ്ജു വാര്യര്‍. ലോകമലയാളികള്‍ക്ക് പാട്ട് വിസ്മയങ്ങള്‍ സമ്മാനിക്കുന്ന ഫ്‌ളവേഴ്സ്സ് ടോപ് സിംഗറിലും ആ സ്വരമാധുര്യം സംഗീത വിരുന്നൊരുക്കി.
എം ജി ശ്രീകുമാറിനൊപ്പം മഞ്ജു വാര്യരും ചേര്‍ന്നപ്പോള്‍ സുന്ദര സ്വരമാധുര്യമാണ് വേദിയില്‍ പിറന്നത്. കൈതപ്പൂവിന്‍ കന്നികുറുമ്പില്‍…. എന്ന ഗാനമാണ് ഇരുവരും ചേര്‍ന്ന് ടോപ് സിംഗര്‍ വേദിയില്‍ ആലപിച്ചത്. അതിഗംഭീരമായിരുന്നു ഇരുവരുടേയും ആലാപനം. പാട്ടിനിടയ്ക്കുള്ള മഞ്ജു വാര്യരുടെ ചിരിയും ഏറെ രസകരമാണ്.
Read more: എന്താണ് ഈ ‘സാമ്പാര്‍ തങ്കം’; രസകരമായ കടങ്കഥയുമായി അനുരാധ
കണ്ണെഴുതി പൊട്ടുംതൊട്ട് എന്ന ചിത്രത്തിലേതാണ് ഈ ഗാനം. എം ജി രാധാകൃഷ്ണന്‍ സംഗീതം പകര്‍ന്നിരിക്കുന്നു. കാവാലം നാരായണപ്പണിക്കരുടേതാണ് ഗാനത്തിലെ വരികള്‍. മോഹന്‍ലാല്‍, കെ എസ് ചിത്ര എന്നിവര്‍ ചേര്‍ന്നാണ് സിനിമയില്‍ ഈ ഗാനം ആലപിച്ചിരിക്കുന്നത്.
Story highlights: Manju Warrier singing in Flowers Top Singer
