റാംപില്‍ ചുവടുവെച്ച് കുരുന്ന്; രസകരമായ ആ നടത്തം സമൂഹമാധ്യമങ്ങളില്‍ ഹിറ്റ്
സമൂഹമാധ്യമങ്ങളില്‍ വളരെ വേഗത്തില്‍ ശ്രദ്ധ നേടാറുണ്ട് ചില കുരുന്ന് ഭാവങ്ങള്‍. നിഷ്‌കളങ്കത നിറഞ്ഞ ചിരിയും രസകരമായ ഭാവങ്ങള്‍ക്കൊണ്ടുമെല്ലാം ഇവര്‍ സോഷ്യല്‍മീഡിയയില്‍ താരങ്ങളാകുന്നു. കഴിഞ്ഞ കുറച്ച് ദിവസങ്ങളായി സമൂഹമാധ്യമങ്ങളിലാകെ നിറയുന്നതും ഒരു കരുന്നിന്റെ വിഡിയോ ആണ്. റാംപില്‍ മനോഹരമായി ചുവടുകള്‍ വയ്ക്കുന്ന ഈ മിടുക്കി ഇതിനോടകം തന്നെ കാഴ്ചക്കാരുടെ ഹൃദയങ്ങള്‍ കീഴടക്കി.
മോഡലുകളെ പോലും വെല്ലുന്ന തരത്തിലാണ് റാംപിലൂടെ ഈ കൊച്ചുമിടുക്കി ക്യാറ്റ്-വോക്ക് ചെയ്തത്. അബ്രിയാന എന്നാണ് ഈ മിടുക്കിയുടെ പേര്. മുഖത്തെ ആത്മവിശ്വാസവും ചിരിയുമെല്ലാം ഈ കൊച്ചുമിടുക്കിയെ ശ്രദ്ധേയമാക്കി. വളരെയധികം ആത്മവിശ്വാസത്തോടെയാണ് പിച്ചവെച്ചു നടന്നുതുടങ്ങിയ പ്രായത്തില്‍ ഈ കുരുന്ന് റാംപിലൂടെ നടന്നത്.
Read more: ടോപ് സിംഗർ ഗായകർക്കൊപ്പം പാടി ദിലീപ്- ശ്രദ്ധേയമായി ‘നാരങ്ങാമുട്ടായി’ ഗാനം
ഫോട്ടോഗ്രാഫറായ ക്രിസ്റ്റന്‍ വീവറാണ് ഈ ദൃശ്യങ്ങള്‍ പകര്‍ത്തിയത്. കുട്ടിത്താരത്തെ പ്രശംസിച്ചുകൊണ്ട് രംഗത്തെത്തുന്നവരും ഏറെയാണ്. സമൂഹമാധ്യമങ്ങളില്‍ ഇതിനോടകംതന്നെ നിരവധിപ്പേര്‍ ഈ വിഡിയോ കണ്ടുകഴിഞ്ഞു. എന്തായാലും കൊച്ചുമിടുക്കിയുടെ നടത്തം സൈബര്‍ ഇടങ്ങളില്‍ ഹിറ്റായി മാറിയിരിക്കുകയാണ്.
Story highlights: Toddler ramp walks goes viral in Social Media
