മലാളികള്‍ക്കെന്നും പ്രിയപ്പെട്ട ഗാനം ഗംഭീരമായി ആലപിച്ച് ബെവന്‍: ആരും കൈയടിക്കുന്ന പാട്ട് പ്രകടനം
ദേവീ… ആത്മരാഗമേകാം കന്യാവനിയില്‍ സുഖദം കളഗാനം
പകരാനണയൂ ഗന്ധര്‍വ വീണയാകൂ നീ ദേവീ.. മലയാളികള്‍ എക്കാലത്തും ഹൃദയത്തിലേറ്റുന്ന ഗാനങ്ങളിലൊന്നാണ് ഇത്. കാലത്തിന്റെ കുത്തൊഴുക്കില്‍ പെട്ട് ഒഴുകിയകലാത്ത നിത്യ സൗന്ദര്യമുണ്ട് ഈ ഗാനത്തിന്. അതുകൊണ്ടുതന്നെയാണ് കേള്‍ക്കും തോറും ഈ ഗാനത്തോടുള്ള ഇഷ്ടം കൂടുന്നതും.
ഒരിക്കല്‍ക്കൂടി ഈ ഗാനത്തിന്റെ സൗകുമാര്യം ആസ്വദിക്കാന്‍ പ്രേക്ഷകര്‍ക്ക് അവസരം ലഭിച്ചിരിയിക്കുകയാണ് ഫ്‌ളവേഴ്‌സ് ടോപ് സിംഗറിലൂടെ. ബെവന്‍ ഈ ഗാനം ടോപ് സിംഗറില്‍ ആലപിച്ചപ്പോള്‍ വിധികര്‍ത്താക്കള്‍ക്കടക്കം അതൊരു മാസ്മരിക സംഗീതാനുഭവമായി. ഞാന്‍ ഗന്ധര്‍വന്‍ എന്ന ചിത്രത്തിലേതാണ് ഈ ഗാനം. കൈതപ്രം ദാമോദരന്‍ നമ്പൂതിരിയുടേതാണ് ഗാനത്തിലെ വരികള്‍. ജോണ്‍സണ്‍ മാസ്റ്റര്‍ സംഗീതം പകര്‍ന്നിരിക്കുന്നു. കെ ജെ യേശുദാസ് ആണ് സിനിമയില്‍ ഈ ഗാനം ആലപിച്ചിരിക്കുന്നത്.
Read more: ഉറക്കമാണ് ഇവരുടെ മെയിന്‍: ഫ്‌ളവേഴ്‌സ് സ്റ്റാര്‍ മാജിക്കിലെ രസകരമായ ചില അണിയറക്കാഴ്ചകള്‍
ലോകമലയാളികള്‍ക്ക് പാട്ട് വിസ്മയങ്ങള്‍ സമ്മാനിയ്ക്കുന്ന പരിപാടിയാണ് ഫ്‌ളവേഴ്‌സ് ടോപ് സിംഗര്‍. ആദ്യ സീസണിന് പിന്നാലെ എത്തിയ ഫ്‌ളവേഴ്‌സ് ടോപ് സിംഗര്‍ 2-ഉം ആസ്വാദകരുടെ ഹൃദയതാളങ്ങള്‍ കീഴടക്കി. അതിഗംഭീരമായ ആലാപന മികവുകൊണ്ടും നിഷ്‌കളങ്കത നിറഞ്ഞ സംസാരംകൊണ്ടും മനോഹരമായ ആസ്വാദനം സമ്മാനിയ്ക്കുകയാണ് ഫ്‌ളവേഴ്‌സ് ടോപ് സിംഗറിലെ കുരുന്ന് ഗയക പ്രതിഭകള്‍.
Story highlights: Bevan Flowers Top Singer Amazing Performance
