ഹസ്തമുദ്രകളാൽ നൃത്തംചെയ്ത് ദിവ്യ ഉണ്ണി- വിഡിയോ
മലയാളികൾക്ക് ഏറെ പ്രിയപ്പെട്ട നടിയാണ് ദിവ്യ ഉണ്ണി. നൃത്തത്തിലും അഭിനയത്തിലും ഒരുപോലെ മികവ് പുലർത്തുന്ന ദിവ്യ ഉണ്ണി വിവാഹശേഷം സിനിമയിൽ സജീവമല്ല. നൃത്തം എന്നും ഹൃദയത്തോട് ചേർത്തുപിടിക്കുന്ന താരം അമേരിക്കയിൽ ഇപ്പോൾ ഡാൻസ് സ്‌കൂൾ നടത്തുകയാണ്. സമൂഹമാധ്യമങ്ങളിൽ സജീവമായ ദിവ്യ ഉണ്ണി ഇപ്പോഴിതാ ഒരു നൃത്ത വിഡിയോ പങ്കുവെച്ചിരിയ്ക്കുകയാണ്.
എല്ലാവർഷവും നവരാത്രി സമയത്ത് നടി നൃത്തവിഡിയോ പങ്കുവയ്ക്കാറുണ്ട്. ഇത്തവണയും ദിവസേന വിഡിയോകൾ ദിവ്യ ഉണ്ണി പങ്കുവയ്ക്കുന്നു. ഇത്തവണ ഹസ്തമുദ്രകളാൽ നൃത്തം ചെയ്യുന്ന വിഡിയോയാണ് നടി പങ്കുവെച്ചിരിക്കുന്നത്. അടുത്തിടെ മകൾക്കൊപ്പം ക്ഷേത്രത്തിൽ ചുവടുവയ്ക്കുന്ന വിഡിയോയും ശ്രദ്ധനേടിയതും. അതേസമയം, മക്കളുടെ വിശേഷങ്ങളെല്ലാം ദിവ്യ ഉണ്ണി സമൂഹമാധ്യമങ്ങളിലൂടെ പങ്കുവയ്ക്കാറുണ്ട്.
മകളുടെ വിശേഷങ്ങൾ ദിവ്യ സമൂഹമാധ്യമങ്ങളിൽ പതിവായി പങ്കുവയ്ക്കുന്നുണ്ടായിരുന്നു. ഐശ്വര്യ എന്നാണ് മകളുടെ പേര്. ഐശ്വര്യയെ കൂടാതെ അർജുൻ, മീനാക്ഷി എന്നിങ്ങനെ രണ്ടു മക്കളും കൂടി ദിവ്യ ഉണ്ണിക്ക് ഉണ്ട്.
Read also: സ്റ്റാർ ഷെഫിനൊപ്പം-‘റാം’ സെറ്റിൽ മോഹൻലാലിന്റെ പാചകം പങ്കുവെച്ച് ഇന്ദ്രജിത്ത്
മലയാളം, തമിഴ്, തെലുങ്ക്, ഹിന്ദി ഭാഷകളിലായി അമ്പതോളം സിനിമകളില്‍ അഭിനയിച്ചിട്ടുള്ള താരമാണ് ദിവ്യ ഉണ്ണി. എന്റെ മാമാട്ടിക്കുട്ടിയമ്മയ്ക്ക് എന്ന ചിത്രത്തില്‍ ബാലതാരമായി അഭിനയിച്ചുകൊണ്ടായിരുന്നു മലയാള സിനിമയിലേയ്ക്കുള്ള താരത്തിന്റെ അരങ്ങേറ്റം. പ്രണയവര്‍ണ്ണങ്ങള്‍, ആകാശഗംഗ തുടങ്ങിയ ചിത്രങ്ങളിലെ താരത്തിന്റെ അഭിനയം ഏറെ ശ്രദ്ധിക്കപ്പെട്ടിരുന്നു.
Story highlights- divya unni dance
