ചങ്ങാതിയുടെ ചിതാഭസ്മവുമായി എവറസ്റ് കീഴടക്കാൻ സുഹൃത്തുക്കളുടെ യാത്ര- ‘ ഉഞ്ജയ്’ ട്രെയ്‌ലർ
നിരവധി സിനിമകളുടെ ഭാഗമായി തിരക്കിലാണ് നടൻ അമിതാഭ് ബച്ചൻ.ഗുഡ്ബൈ എന്ന സിനിമയ്ക്ക് ശേഷം ഉഞ്ജയ് എന്ന സിനിമ റിലീസിന് തയ്യാറെടുക്കുകയാണ്. ചിത്രത്തിന്റെ ട്രെയ്‌ലർ പ്രേക്ഷകരിലേക്ക് എത്തി. ബോളിവുഡിന്റെ ഒരുകാലത്തെ അടക്കിവാണ താരങ്ങളായ അമിതാഭ് ബച്ചൻ, ബൊമൻ ഇറാനി, അനുപം ഖേർ, ഡാനി ഡെൻസോങ്‌പ എന്നിവർ പ്രധാന വേഷത്തിൽ എത്തുന്ന ചിത്രമാണിത്. ജീവിതത്തിന്റെ കാര്യത്തിൽ ഒരുപാട് മുന്നോട്ട് പോയ നാല് സുഹൃത്തുക്കളായാണ് ഇവരെ സിനിമ അവതരിപ്പിക്കുന്നത്.
നാലുപേരും ഒരുമിച്ച് എവറസ്റ്റ് കൊടുമുടിയിലേക്ക് പോകണമെന്ന് ഒരു മീറ്റിംഗിൽ ഡാനി ഡെൻസോംഗ്പ പറയുന്നു. ഡാനി ഡെൻസോങ്പയുടെ കഥാപാത്രമായ ഭുവൻ മരിച്ചതിന് ശേഷം കാര്യങ്ങൾ മാറുകയാണ്. അദ്ദേഹത്തിന്റെ ഏറ്റവും വലിയ ആഗ്രഹം സാക്ഷാത്കരിക്കാൻ സുഹൃത്തുക്കൾ എവറസ്റ്റ് ബേസ് ക്യാമ്പിലേക്ക് ട്രെക്ക് ചെയ്യാൻ തീരുമാനിക്കുന്നു. അവിടെ സുഹൃത്തിന്റെ ചിതാഭസ്മം നിമജ്ജനം ചെയ്യാൻ അവർ ആഗ്രഹിക്കുന്നു. ഒരു ട്രെക്ക് ലീഡറുടെ സഹായത്താൽ, എവറസ്റ്റ് ബേസ് ക്യാമ്പിലേക്ക് ട്രെക്ക് ചെയ്യുകയാണ് ഈ സുഹൃത്തുക്കൾ. നീന ഗുപ്ത, സരിക എന്നിവരും ചിത്രത്തിൽ വേഷമിടുന്നുണ്ട്.
സൂരജ് ബർജാത്യ സംവിധാനം ചെയ്യുന്ന ചിത്രം നവംബർ 11ന് തിയേറ്ററുകളിലെത്തും. 2022 ഒക്ടോബർ 7 ന് റിലീസ് ചെയ്ത ഗുഡ്ബൈ ആണ് അമിതാഭ് ബച്ചൻ പ്രധാനവേഷത്തിലെത്തി തിയേറ്ററുകളിൽ എത്തിയത്. വികാസ് ഭാൽ സംവിധാനം ചെയ്ത ചിത്രത്തിൽ പവയിൽ ഗുലാത്തി, സുനിൽ ഗ്രോവർ, ആശിഷ് വിദ്യാർത്ഥി തുടങ്ങിയവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. താര എന്ന കഥാപാത്രത്തെയാണ് മന്ദാന അവതരിപ്പിക്കുന്നത്.
Story highlights- Uunchai Trailer
