ഇന്ത്യയിൽ ശരീരത്തിന്റെ അറുപതു ശതമാനത്തോളം രോമവുമായി കുഞ്ഞു പിറന്നു- അപൂർവ്വ രോഗാവസ്ഥ

December 30, 2022

ഉത്തർപ്രദേശിലെ ഹർദോയിൽ പിറന്ന കുഞ്ഞ് അത്ഭുതമാകുകയാണ്. ഡോക്ടർമാരുൾപ്പെടെ എല്ലാവരെയും അമ്പരപ്പിച്ച ജനനമാണ് കുഞ്ഞിന്റേത്. ദേഹത്ത് ഒരു വലിയ കറുത്ത പാടോടെയാണ് കുഞ്ഞ് ജനിച്ചത്. ശിശുവിന് 60 ശതമാനത്തോളവും ഇരുണ്ട പാടും കട്ടിയുള്ള രോമവും കൊണ്ട് മൂടിയിരിക്കുന്നു.

ജയന്റ് കൺജെനിറ്റൽ മെലനോസൈറ്റിക് നെവസ് എന്ന അപൂർവ രോഗവുമായാണ് കുഞ്ഞ് ജനിച്ചതെന്ന് പറയപ്പെടുന്നു. ഈ ആഴ്ച ആദ്യം CHC 52 ലാണ് കുഞ്ഞ് ജനിച്ചത്.22 വർഷത്തെ തന്റെ കരിയറിൽ ഇതുവരെ ഇത്തരമൊരു കേസ് കണ്ടിട്ടില്ലെന്ന് സിഎച്ച്‌സി സൂപ്രണ്ടും എസിഎംഒയുമായ ഡോ.പങ്കജ് മിശ്ര പറയുന്നു.

പിന്നീട് കുഞ്ഞിന് ജയന്റ് കൺജെനിറ്റൽ മെലനോസൈറ്റിക് നെവസ് ആണെന്ന് കണ്ടെത്തി. ജയന്റ് കൺജെനിറ്റൽ മെലനോസൈറ്റിക് നെവസ് എന്നത് മെലനോസൈറ്റുകൾ എന്നറിയപ്പെടുന്ന പിഗ്മെന്റ് ഉൽപ്പാദിപ്പിക്കുന്ന കോശങ്ങൾ അടങ്ങിയ അസാധാരണമായ ഇരുണ്ടതും അർബുദമില്ലാത്തതുമായ ഒരു ചർമ്മ അവസ്ഥയാണ്.

Read Also: കരുതൽ മതി; കൊവിഡുമായി ബന്ധപ്പെട്ട് വിമാനത്താവളങ്ങളിൽ പുതിയ മാര്‍ഗനിര്‍ദേശങ്ങളുമായി കേന്ദ്രം…

എന്തായാലും, കുഞ്ഞിനെ ചികിത്സയ്ക്കായി ലഖ്‌നൗവിലേക്ക് അയക്കാനാണ് തീരുമാനം. കുഞ്ഞ് ഉടൻ സുഖം പ്രാപിക്കുമെന്ന് ഡോക്ടർ ഇക്രം ഹുസൈൻ പറയുന്നു. നവജാത ശിശുവും അമ്മയും ആരോഗ്യവാനാണെന്നാണ് വിവരം. കുഞ്ഞിന്റെ അപൂർവ്വ അവസ്ഥയെക്കുറിച്ചറിഞ്ഞ ആളുകൾ ആശുപത്രിയിലേക്ക് ഒഴുകിയെത്തുന്നുണ്ട്.

Story highlights- Baby born with 60 per cent body covered in hair

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!