ചോളന്മാർ വീണ്ടും വരുമ്പോൾ പ്രതീക്ഷിക്കേണ്ടതെന്തൊക്കെ; ജയറാം അടക്കമുള്ള ‘പൊന്നിയിൻ സെൽവൻ’ താരങ്ങൾ മനസ്സ് തുറക്കുന്നു-വിഡിയോ
2022 ലെ ഇന്ത്യൻ സിനിമയിലെ ഏറ്റവും വലിയ ഹിറ്റുകളിലൊന്നായി മാറുകയായിരുന്നു ‘പൊന്നിയിൻ സെൽവൻ.’ ചരിത്ര വിജയമാണ് മണി രത്നത്തിന്റെ ചിത്രം നേടിയത്. റീലീസ് ചെയ്‌ത്‌ വെറും 11 ദിവസങ്ങൾ കൊണ്ട് 400 കോടിയാണ് ലോകമെമ്പാടുമുള്ള തിയേറ്ററുകളിൽ നിന്ന് ചിത്രം നേടിയത്. പ്രേക്ഷകരിൽ നിന്നും നിരൂപകരിൽ നിന്നും ഒരേ പോലെ മികച്ച അഭിപ്രായം നേടിയ ചിത്രം പിന്നീട് ഒടിടിയിൽ റിലീസ് ചെയ്‌തപ്പോഴും വളരെ മികച്ച പ്രതികരണമാണ് ലഭിച്ചത്. (Ponniyin selvan 2 release date)
ഇപ്പോൾ ചിത്രത്തിന്റെ രണ്ടാം ഭാഗം റിലീസിനൊരുങ്ങുകയാണ്. ഏപ്രിൽ 28 നാണ് ചിത്രം തിയേറ്ററുകളിലെത്തുന്നത്. ആദ്യ ഭാഗത്തിനൊപ്പം തന്നെ ഷൂട്ടിംഗ് തീർന്ന രണ്ടാം ഭാഗം തിയേറ്ററുകളിലെത്തുമ്പോൾ ചിത്രത്തിൽ എന്തൊക്കെയാണ് പ്രതീക്ഷിക്കേണ്ടത് എന്നതിനെ പറ്റി ജയറാം, വിക്രം, ജയം രവി, കാർത്തി അടക്കമുള്ള താരങ്ങൾ മനസ്സ് തുറക്കുന്ന ഒരു പ്രോമോ വിഡിയോയാണ് ഇപ്പോൾ ശ്രദ്ധേയമായി മാറുന്നത്.
അതേ സമയം ലോക സിനിമയിലെ തന്നെ പ്രശസ്‌ത സംവിധായകരിലൊരാളായ മണി രത്നത്തിന്റെ സ്വപ്‌ന സിനിമയാണ് പൊന്നിയിൻ സെൽവൻ. 500 കോടി രൂപ മുതൽ മുടക്കിലൊരുങ്ങിയ ചിത്രം രണ്ട് ഭാഗങ്ങളായാണ് റിലീസ് ചെയ്യുന്നത്. ഒരു ബ്രഹ്മാണ്ഡ സിനിമയായി ഒരുങ്ങിയ ചിത്രത്തിന്റെ ആദ്യ ഭാഗം വലിയൊരു ദൃശ്യവിസ്മയമാണ് പ്രേക്ഷകർക്കായി ഒരുക്കിവെച്ചത്.
Read More: ‘വലിയ ലോകം, വളരെ കുറച്ച് സമയം..’- സുഹൃത്തുക്കൾക്കൊപ്പമുള്ള യാത്രാചിത്രങ്ങളുമായി മഞ്ജു വാര്യർ
വമ്പൻ താരനിര അണിനിരന്നിരിക്കുന്ന ചിത്രത്തിൽ വിക്രം, കാർത്തി, ഐശ്വര്യ റായ്, ജയം രവി, പാർത്ഥിപൻ, സത്യരാജ്, തൃഷ, ജയറാം, ശോഭിതാ ദുലിപാല, ഐശ്വര്യ ലക്ഷ്‌മി, ജയചിത്ര, റഹ്മാൻ, പ്രഭു, ശരത് കുമാർ, ബാബു ആന്റണി തുടങ്ങിയ താരങ്ങൾ അഭിനയിക്കുന്നുണ്ട്. നേരത്തെ പുറത്തു വന്ന ചിത്രത്തിന്റെ ടീസറും ട്രെയ്‌ലറും ഗാനത്തിന്റെ ലിറിക്കൽ വിഡിയോകളും കഥാപാത്രങ്ങളുടെ ഫസ്റ്റ് ലുക്ക് പോസ്റ്ററുകളുമെല്ലാം വമ്പൻ ഹിറ്റായി മാറിയിരുന്നു.
Story Highlights: Ponniyin selvan 2 promo video
