രുചിയേറെ, പക്ഷേ എരിവ് അധികമായാൽ..!
ഇന്ത്യൻ പാചകരീതിയുടെ ഏറ്റവും വലിയ പ്രത്യേകത അവ എരിവുള്ള ഭക്ഷണങ്ങൾ നിറഞ്ഞതാണ് എന്നുള്ളതാണ്. ഏതുഭക്ഷണമായാലും ഇന്ത്യക്കാർ വളരെ അപൂർവമായേ എരിവിന്റെ കാര്യത്തിൽ വിട്ടുവീഴ്ച ചെയ്യാറുള്ളൂ. കൂടുതൽ മസാലയും നിറവുമുള്ള ഭക്ഷണങ്ങളാണ് പൊതുവെ ഇന്ത്യക്കാർക്ക് പ്രിയം.
മസാലകൾ നിറഞ്ഞ ഭക്ഷണത്തോട് മനുഷ്യശരീരം പ്രത്യേകമായി പ്രതികരിക്കാറുണ്ട്. എരിവ് കഴിക്കുമ്പോൾ കണ്ണ് നിറയുകയും മൂലും നാവിലും വെള്ളം നിറയുകയും ചെവി ചുവക്കുകയും ചെയ്യാറുണ്ട്. എന്തായാലും എരിവുള്ള ഭക്ഷണങ്ങൾ കഴിക്കാൻ ഇഷ്ടപ്പെടുന്നെങ്കിൽ അതിനു നല്ലവശവും മോശം വശവുമുണ്ട്.
സുഗന്ധദ്രവ്യങ്ങൾക്ക് വിരുദ്ധ ബാഹ്യാവിഷ്ക്കാര ഗുണങ്ങളുണ്ട്. തലവേദന, സന്ധിവാതം, ഓക്കാനം തുടങ്ങിയ ആരോഗ്യ അവസ്ഥകൾക്ക് എരിവുള്ള ഭക്ഷണങ്ങൾ മികച്ചതാണ് എന്ന് പറയപ്പെടുന്നു. വ്യത്യസ്ത ആളുകൾക്ക് വ്യത്യസ്ത തലത്തിലാണ് എരിവിനോടുള്ള സമീപനം. എരിവുള്ള ഭക്ഷണങ്ങൾ പൊതുവെ നിലവിലുള്ള ദഹനപ്രശ്നങ്ങൾ വർധിപ്പിക്കാൻ കാരണമാകാറുണ്ട്.
എരിവുള്ള ഭക്ഷണത്തോട് അഭിനിവേശം കൂടുതലുള്ള ആളുകൾക്ക് മറ്റു രുചി മുകുളങ്ങളെ ഈ ആസക്തി ദോഷകരമായി ബാധിക്കും. അതിനാൽ, മിതമായ അളവിൽ എരിവുള്ള ഭക്ഷണം കഴിക്കാൻ എപ്പോഴും നിർദ്ദേശിക്കപ്പെടുന്നു.
അതേസമയം, വയറിളക്കത്തിന് വിവിധ കാരണങ്ങളുണ്ട്. അതിലൊന്ന് എരിവുള്ള ഭക്ഷണം കഴിക്കുന്നതാണ്. എരിവുള്ള ഭക്ഷണം കഴിക്കുന്നത് പതിവില്ലെങ്കിൽ, എരിവിനോടുള്ള സമീപനം വളരെ ദുർബലമാണ്. മുളകിൽ കാപ്‌കെയ്‌സിൻ ചെലുത്തുന്ന പ്രഭാവം മലവിസർജ്ജനം വേഗത്തിലാക്കുകയും വയറിളക്കം അനുഭവിക്കുകയും ചെയ്യുന്നു.
Read also: മക്കളുടെ റിഹേഴ്സലിനിടയിൽ അമ്മമാർ താരമായപ്പോൾ; കട്ടുറുമ്പിലെ കുട്ടിക്കുറുമ്പുകളുടെ അമ്മമാരുടെ നൃത്തം
എരിവുള്ള ഭക്ഷണം ഉറക്ക സമയത്തെ ബാധിക്കുന്നു. എരിവുള്ള ഭക്ഷണം കഴിക്കുമ്പോൾ ശരീര താപനില ഉയരും. കൂടുതൽ മസാലകൾ അടങ്ങിയ ഭക്ഷണം കഴിച്ചാൽ ശരീര താപനില ക്രമേണ ഉയരും. ശരീര ഊഷ്മാവ് ഉയരുമ്പോൾ ഉറക്കം വൈകുകയും ചെയ്യും.
Story highlights- risks of eating spicy food
