കൈകളുടെ മൃദുത്വം നിലനിർത്താനായി ചില വഴികൾ
എന്തിനും ഏതിനും കൈകൾ ഉപയോഗിക്കേണ്ടതായുണ്ട്. അതുകൊണ്ടുതന്നെ അവയുടെ മൃദുത്വം നഷ്ടമായി പരുപരുത്തതാകും. എന്നാൽ, സ്വാഭാവികമായിത്തന്നെ കൈയ്‌കളുടെ മൃദുത്വം നിലനിർത്താൻ മാർഗങ്ങളുണ്ട്. ശരിയായ സംരക്ഷണം, സൺസ്ക്രീൻ ഉപയോഗം, ജലാംശം നിലനിർത്തുക തുടങ്ങിയവയാണ് പ്രധാനമായും മൃദുത്വം നിലനിർത്താൻ പാലിക്കേണ്ടത്.
പുറത്തിറങ്ങുമ്പോൾ കൈകളിലെ ചർമ്മം സൂര്യന്റെ ദോഷകരമായ അൾട്രാവയലറ്റ് രശ്മികൾക്ക് ഇരയാകുന്നതാണ്. അതുകൊണ്ട് പുറത്തുപോകുമ്പോൾ സൺസ്ക്രീൻ പ്രയോഗിക്കുക. ഇത് കൈകളെ സംരക്ഷിക്കുകയും ചർമ്മത്തെ മൃദുവായി നിലനിർത്താൻ സഹായിക്കുകയും ചെയ്യും.
കൈ കഴുകുമ്പോൾ വാളരെയധികം ശ്രദ്ധിക്കേണ്ടതുണ്ട്. കൈകഴുകുന്നതിനുള്ള ഒരു പ്രധാന കാരണം, തൊടുന്ന പ്രതലങ്ങളിലൂടെ അണുക്കളെ പിടിക്കുന്നതും പടരാതിരിക്കുന്നതുമാണ്. നിങ്ങളുടെ ശരീരത്തിലേക്ക് ഒരു വൈറസ് പകരാൻ കഴിയുന്ന അണുക്കൾ ഇത്തരം പ്രതലങ്ങളിൽ ഉണ്ടായിരിക്കും. കൈ ഇടയ്ക്കിടെ കഴുകുക. അതിലൂടെ കൈകളുടെ മൃദുലത നിലനിർത്താം.
Read also: വഴിനീളെ കരകവിഞ്ഞ് ഒഴുകി വീഞ്ഞിന്റെ പുഴ- അപകടം വരുത്തിയ വിന; വൈറൽ വിഡിയോ
ചെറുചൂടുള്ള വെള്ളമാണ് കൈകഴുകാൻ ഉപയോഗിക്കേണ്ടത്. ലനോലിൻ, ഗ്ലിസറിൻ തുടങ്ങിയ ചേരുവകൾ അടങ്ങിയ മോയ്സ്ചറൈസിംഗ് സോപ്പ് ഉപയോഗിക്കുക. എപ്പോൾ കഴുകിയാലും മോയിസ്ചറൈസർ ഉപയോഗിക്കുക.
Story highlights- How to Get Soft Hands
