ഒന്ന് ദീപാവലി ആഘോഷിച്ചതാണ്; രസകരമായ വിഡിയോ പങ്കുവെച്ച് ശോഭന
എത്ര വർഷം കഴിഞ്ഞാലും പ്രേക്ഷക മനസ്സിൽ തന്റേതായ സ്ഥാനം നിലനിർത്തുക എന്നത് ഒരു അസാധാരണ അഭിനേതാവിന് മാത്രം സാധിക്കുന്ന ഒന്നാണ്. അതിന്റെ മകുടോദാഹരണമാണ് ശോഭന. ഇന്ത്യൻ ക്ലാസിക്കൽ നൃത്തത്തിലെ പ്രഗത്ഭയും, ഉൾക്കാഴ്ചയുള്ള അധ്യാപികയുമൊക്കെയാണെങ്കിലും ശോഭന മലയാളികൾക്ക് എന്നും ഗംഗയോ നാഗവല്ലിയോ ആണ്. ശോഭനയുടെ വിശേഷങ്ങളെല്ലാം ആളുകൾ വളരെ വേഗത്തിൽ ഏറ്റെടുക്കാറുണ്ട്.
ഇപ്പോഴിതാ, ദീപാവലി ആഘോഷത്തിന്റെ രസകരമായ ഒരു വിഡിയോ പങ്കുവയ്ക്കുകയാണ് ശോഭന. ‘എനിക്കായി ഇത് ചെയ്തിരുന്ന എന്റെ പഴയ ബാച്ച് വിദ്യാർത്ഥികളിൽ ചിലരെ ഞാൻ ശരിക്കും മിസ് ചെയ്യുന്നു’ എന്നുപറഞ്ഞുകൊണ്ടാണ് ശോഭന വിഡിയോ പങ്കുവെച്ചിരിക്കുന്നത്.
ദീപാവലി ആഘോഷത്തിനായുള്ള പടക്കം പൊട്ടിക്കാനുള്ള ശ്രമങ്ങളാണ് വീഡിയോയിലൂടെ നടി രസകരമായി പങ്കുവെച്ചിരിക്കുന്നത്. അഭിനയത്തിനൊപ്പം തന്നെ നൃത്തത്തിലൂടെ പ്രേക്ഷകമനം കവര്‍ന്ന നടിയാണ് ചലച്ചിത്രതാരം ശോഭന. പലപ്പോഴും താരത്തിന്റെ നൃത്ത വീഡിയോകള്‍ സമൂഹമാധ്യമങ്ങളില്‍ ശ്രദ്ധ നേടാറുമുണ്ട്. ശോഭനയുടെ നിരവധി നൃത്ത വിഡിയോകള്‍ സമൂഹമാധ്യമങ്ങളില്‍ പ്രത്യക്ഷപ്പെട്ടിരുന്നു. പലപ്പോഴും തന്റെ ജീവിതത്തിന്റെ നേർക്കാഴ്ചകൾ ആരാധകർക്കായി പങ്കുവയ്ക്കാറുണ്ട്. ചെന്നൈയിൽ സ്ഥിരതാമസമാക്കിയ ശോഭന കേരളത്തിൽ വരുന്നത് വിരളമാണ്. എങ്കിലും മലയാളികൾ ശോഭനയോടുള്ള സ്നേഹം അങ്ങനെതന്നെ കാത്തുസൂക്ഷിക്കുകയാണ്.
Story highlights- shobhana diwali celebration
