ആക്ഷന്‍ രംഗം ചിത്രീകരണത്തിനിടെ ബൈക്ക് മറിഞ്ഞു; നടന്‍ ബിബിന്‍ ജോര്‍ജിന് പരിക്ക്
ചിത്രീകരണത്തിനിടെയുണ്ടായ അപകടത്തില്‍ നടനും തിരക്കഥാകൃത്തുമായ ബിബിന്‍ ജോര്‍ജിന് പരിക്ക്. മുസാഫിര്‍ പ്രൊഡക്ഷന്‍സിന്റെ ബാനറില്‍ അമല്‍ കെ ജോബി സംവിധാനം ചെയ്യുന്ന ഗുമസ്തന്‍ സിനിമയുടെ ആക്ഷന്‍ രംഗം ചിത്രീകരിക്കുന്നതിനിടെയാണ് അപകടം. ബിബിന്റെ പരിക്ക് സാരമുള്ളതല്ലന്നാണ് വിവരം. ( Actor Bibin George injured in bike accident )
സംഘട്ടന രംഗം ഷൂട്ട് ചെയ്യുന്നതിനിടെ നിയന്ത്രണം വിട്ട ബൈക്ക് മറിയുകയായിരുന്നു. ബൈക്ക് ഓടിച്ചിരുന്ന സ്റ്റണ്ടറെ ഉടന്‍ തന്നെ അടുത്തുള്ള ആശുപത്രിയില്‍ പ്രവേശിപ്പിക്കുകയായിരുന്നു. ബിബിന്‍ ജോര്‍ജ് വലിയ പരിക്കുകളില്ലാതെ രക്ഷപ്പെടുകയായിരുന്നു.
Read Also : അന്നത്തെ പതിമൂന്നുകാരി- അച്ഛനെടുത്ത ചിത്രം പങ്കുവെച്ച് ഭാവന
ബിബിന്‍ ജോര്‍ജിനെ കൂടാതെ ദിലീഷ് പോത്തന്‍, ജെയ്സ് ജോസ്, സ്മിനു സിജോ, റോണി ഡേവിഡ് രാജ്,അസീസ് നെടുമങ്ങാട്, അലക്‌സാണ്ടര്‍ പ്രശാന്ത്, മക്ബുല്‍ സല്‍മാന്‍, കൈലാഷ്, ഐ എം വിജയന്‍, ബിന്ദു സഞ്ജീവ്, നീമ മാത്യു എന്നിവരാണ് മറ്റ് താരങ്ങള്‍. പാലക്കാടും പരിസര പ്രദേശങ്ങളിലുമായി ഈ സിനിമയുടെ ചിത്രീകരണം പുരോഗമിക്കുകയാണ്.
Story highlights : Actor Bibin George injured in bike accident
