കൊച്ചി മെട്രോ ടിക്കറ്റുകൾ ഇനി വാട്സാപ്പിൽ ബുക്ക് ചെയ്യാം; അറിയേണ്ടത് എന്തെല്ലാം!
ഡിജിറ്റൽ ടിക്കറ്റിംഗ് പ്രോത്സാഹിപ്പിക്കുന്നതിനും ഇ-പേയ്‌മെന്റുകൾ വർദ്ധിപ്പിക്കുന്നതിനുമായി കൊച്ചി മെട്രോ റെയിൽ ലിമിറ്റഡ് വാട്ട്‌സ്ആപ്പ് പ്ലാറ്റ്‌ഫോമിൽ ഇ-ടിക്കറ്റിംഗ് സൗകര്യം അവതരിപ്പിച്ചു. KMRL (കൊച്ചി മെട്രോ റെയിൽ ലിമിറ്റഡ്) ആസ്ഥാനത്ത് നടന്ന ചടങ്ങിൽ എംഡി ലോക്‌നാഥ് ബെഹ്‌റയുടെ സാന്നിധ്യത്തിൽ നടി മിയ ജോർജ്ജാണ് പദ്ധതി ഉദ്ഘാടനം ചെയ്തത്. KMRL-ന്റെ വാട്ട്‌സ്ആപ്പ് നമ്പറിലേക്ക് സന്ദേശം അയച്ച് യാത്രക്കാർക്ക് ഇപ്പോൾ വാട്ട്‌സ്ആപ്പ് വഴി ഡിജിറ്റൽ ടിക്കറ്റുകൾ ബുക്ക് ചെയ്യാം. (Kochi Metro introduces WhatsApp ticketing)
യാത്രക്കാർക്ക് അവരുടെ ഫോണിൽ KMRL വാട്ട്‌സ്ആപ്പ് നമ്പർ 9188957488 സേവ് ചെയ്ത് വാട്ട്‌സ്ആപ്പ് ക്യുആർ ടിക്കറ്റുകൾ വാങ്ങാം. നമ്പറിലേക്ക് വാട്ട്‌സ്ആപ്പിൽ ‘ഹായ്’ അയച്ച ശേഷം ‘ക്യുആർ ടിക്കറ്റ്’, ‘ബുക്ക് ടിക്കറ്റ്’ എന്നിവ ക്ലിക്കുചെയ്യുക.
ഓൺലൈനായി പേയ്‌മെന്റ് നടത്തുന്നതിന് മുമ്പ് ലിസ്റ്റിൽ നിന്ന് എൻട്രി & എക്സിറ്റ് സ്റ്റേഷനുകൾ തിരഞ്ഞെടുക്കാനാകും. സാധാരണ സമയങ്ങളിൽ വാട്‌സ്ആപ്പ് വഴി വാങ്ങുന്ന ടിക്കറ്റുകൾക്ക് 10% ഡിസ്‌കൗണ്ടും തിരക്കുള്ള സമയങ്ങളിൽ (രാവിലെ 5.45 മുതൽ രാവിലെ 7 വരെയും രാത്രി 10 മുതൽ 11 വരെയും) 50% ഡിസ്‌കൗണ്ടും യാത്രക്കാർക്ക് ലഭിക്കും.
Read also: ഒരു കുപ്പി വെള്ളത്തിൽ 2.4 ലക്ഷം പ്ലാസ്റ്റിക് കണങ്ങൾ; ആശങ്കയുളവാക്കും പുതിയ പഠനം!
പ്രതിദിനം ശരാശരി ഒരു ലക്ഷം യാത്രക്കാരെ എത്തിക്കാനുള്ള നടപടികളാണ് കൊച്ചി മെട്രോ നടത്തുന്നത്.
ടിക്കറ്റ് എങ്ങനെ ബുക്ക് ചെയ്യാം:
KMRL വാട്‌സ്ആപ്പ് നമ്പറായ 9188957488 ഫോണിൽ സേവ് ചെയ്യുക
മുകളിലുള്ള നമ്പറിലേക്ക് ‘Hi’ എന്ന് വാട്സാപ്പിൽ മെസേജ് അയച്ച് തുടർന്നുള്ള നിർദ്ദേശങ്ങൾ ശ്രദ്ധിക്കുക
‘ക്യുആർ ടിക്കറ്റ് ഐക്കണിൽ ക്ലിക്ക് ചെയ്യുക
‘ബുക്ക് ടിക്കറ്റ്’ ഓപ്ഷൻ സെലക്ട് ചെയ്യുക
സ്റ്റേഷൻ ലിസ്റ്റിൽ നിന്നും എൻട്രിയും എക്സിറ്റും സെലക്ട് ചെയ്യുക
യാത്രകകരുടെ എണ്ണം ആഡ് ചെയ്യുക
പേയ്‌മെന്റിലേക്ക് പോയി ഇഷ്ടപ്പെട്ട മോഡിൽ പണമടയ്ക്കുക
ക്യാൻസൽ ചെയ്യാൻ, ‘Hi’ എന്ന് ടൈപ്പ് ചെയ്ത് അയയ്‌ക്കുക
Story highlights: Kochi Metro introduces WhatsApp ticketing
