ആറ് മാസത്തിനിടെ രണ്ട് പ്രസവങ്ങൾ; അപൂർവങ്ങളിൽ അപൂർവമായ ജനനം!
മാതൃത്വം എന്നത് ഒന്നിനും പകരം വെക്കാനാവാത്ത അനുഭവമാണ്. മനുഷ്യനായാലും മൃഗമായാലും ഒരു കുഞ്ഞിന് ജന്മം നൽകുന്നതും അതിനെ പോറ്റി വളർത്തുന്നതും അത്ര എളുപ്പമുള്ള കാര്യമില്ല. പ്രസവം എന്ന പ്രക്രിയ ഏറെ സങ്കീർണതകൾ നിറഞ്ഞതാണ്. അപ്പോഴാണ് ആറ് മാസത്തിന്റെ ഇടവേളയിൽ രണ്ട് കുഞ്ഞുങ്ങളെ പ്രസവിച്ച അമ്മയും അവരുടെ കുഞ്ഞുങ്ങളും വാർത്തകളിൽ ഇടം പിടിക്കുന്നത്. (Woman delivers two babies within 6 months)
ഒരു വയസും ആറ് മാസവും പ്രായമുള്ള രണ്ട് കുഞ്ഞുങ്ങളുടെ അമ്മയാണ് കാലിഫോർണിയയിൽ ഹെയർ സ്റ്റൈലിസ്റ്റായ ജെസീക്ക. ഒരു സ്ത്രീക്ക് ഇരട്ടക്കുട്ടികൾ ഉണ്ടാകുന്നത് സ്വാഭാവികമാണ്. എന്നാൽ ആറ് മാസത്തെ ഇടവേളയിൽ രണ്ട് കുട്ടികൾ ജനിക്കുക എന്നത് അപൂർവങ്ങളിൽ അപൂർവമാണ്.
ഈ ദിവ്യ ജന്മങ്ങൾക്ക് പിന്നിലെ കാരണവും ജെസീക്ക തന്നെ വ്യക്തമാക്കിയിട്ടുണ്ട്. സൂപ്പർഫെറ്റേഷൻ എന്ന പ്രതിഭാസത്തിലൂടെയാണ് ഇത് സംഭവിച്ചതെന്നാണ് അവർ പറയുന്നത്. അതായത് ഗർഭാവസ്ഥയിൽ ഇരിക്കുമ്പോൾ തന്നെ ഒരു സ്ത്രീക്ക് വീണ്ടും ഗർഭിണിയാകാം. ഈ രീതിയിലാണ് ജെസീക്കയും ഗർഭിണിയായത്.
ഒരേ ഗർഭപാത്രത്തിൽ രണ്ട് കുഞ്ഞുങ്ങൾ വ്യത്യസ്ത സമയങ്ങളിൽ ജനിക്കുന്ന വളരെ അപൂർവമായ ഒരു രോഗാവസ്ഥയാണ് സൂപ്പർഫെറ്റേഷൻ. ഒരേ ഗർഭപാത്രത്തിൽ രണ്ട് ഭ്രൂണങ്ങൾ ഉണ്ടാകും. എന്നാൽ രണ്ടിനും വ്യത്യസ്ത തലത്തിലുള്ള വളർച്ചയായിരിക്കും ഉണ്ടാകുക. സൂപ്പർഫെറ്റൽ ശിശുക്കൾ സാങ്കേതികമായി ഇരട്ടകളാണ്. എന്നാൽ അവർക്ക് വ്യത്യസ്തമായ വളർച്ചാ കലാഘട്ടങ്ങളാണ് ഉള്ളത്.
Read also: 19 വർഷങ്ങൾക്ക് ശേഷമുള്ള കൂടിക്കാഴ്ച; ജന്മനാ വേർപിരിഞ്ഞ ഇരട്ടസഹോദരിമാരെ ഒന്നിപ്പിച്ചത് ടിക്‌ടോക്!
തൻ്റെ ഉള്ളിൽ രണ്ട് കുഞ്ഞുങ്ങളുണ്ടെന്ന് ചിലപ്പോൾ ഒരു വ്യക്തിക്ക് മനസ്സിലാകില്ലെന്നും ജെസീക്ക കൂട്ടിച്ചേർത്തു. ആദ്യ മാസങ്ങളിൽ മെഡിക്കൽ പ്രൊഫഷണലുകളുടെ ശരിയായ പരിശോധനകൾക്ക് ശേഷം മാത്രമേ ഇത് മനസ്സിലാക്കാൻ കഴിയൂ.
സൂപ്പർഫെറ്റേഷൻ വളരെ അപൂർവമായ ഒരു അവസ്ഥയാണ്. ഇതുവരെ, 10 സൂപ്പർഫെറ്റേഷൻ കേസുകൾ മാത്രമേ ഉണ്ടായിരുന്നുള്ളൂ, ജെസീക്കയുടെ കേസ് 11-ാമത്തേതാണ്. കുട്ടികൾ തമ്മിലുള്ള ഏതാനും ആഴ്ചകൾ വ്യത്യാസമുള്ള ചില കേസുകളും റിപ്പോർട്ട് ചെയ്തിട്ടുണ്ട്.
സൂപ്പർഫെറ്റേഷൻ അപൂർവമാണെങ്കിൽ കൂടി, പലരും ജെസീക്കയുടെ അവസ്ഥയുടെ ആധികാരികതയെ ചോദ്യം ചെയ്തു. എന്നിരുന്നാലും, ജെസീക്കയുടെ മെഡിക്കൽ രേഖകളും അവരെ പരിചരിച്ച ആരോഗ്യ പ്രവർത്തകരുടെ സാക്ഷ്യവും കഥയ്ക്ക് വിശ്വാസ്യത നൽകുന്നു.
സൂപ്പർഫെറ്റേഷൻ അപൂർവമാണെങ്കിലും, മനുഷ്യ ശരീരത്തിൻ്റെ സങ്കീർണ്ണതകൾക്കും ഒരു തെളിവായി ഇതിനെ കണക്കാക്കാം. മെഡിക്കൽ സയൻസ് വികസിച്ചുകൊണ്ടിരിക്കുന്നതിനാൽ, അത്തരം കേസുകൾ മനുഷ്യ പുനരുൽപാദനത്തിൻ്റെ സങ്കീർണ്ണമായ പ്രവർത്തനങ്ങളെക്കുറിച്ച് വിലയേറിയ ഉൾക്കാഴ്ചകളാണ് നൽകുന്നത്.
Story highlights: Woman delivers two babies within 6 months
