‘പൊൻമാൻ’ കണ്ട് കയ്യടിച്ച് താരങ്ങൾ; ബേസിൽ ജോസഫ് – ജ്യോതിഷ് ശങ്കർ ചിത്രം വമ്പൻ ഹിറ്റിലേക്ക്..!
ബേസിൽ ജോസഫിനെ നായകനാക്കി നവാഗതനായ ജ്യോതിഷ് ശങ്കർ സംവിധാനം ചെയ്ത ‘പൊൻമാൻ’ കണ്ട് മികച്ച പ്രതികരണവുമായി മലയാള സിനിമയിലെ പ്രമുഖ താരങ്ങൾ. കഴിഞ്ഞ ദിവസം ഈ ചിത്രത്തിൻ്റെ സെലിബ്രിറ്റി ഷോ കാണാൻ വലിയ താരനിരയാണ് എത്തിച്ചേർന്നത്. പ്രശസ്ത താരങ്ങളായ ജോജു ജോർജ്, സൗബിൻ ഷാഹിർ, വിനയ് ഫോർട്ട്, ദിവ്യ പ്രഭ, ജോൺ കൈപ്പള്ളി, പണി എന്ന ചിത്രത്തിലൂടെ ശ്രദ്ധ നേടിയ നടൻ ബോബി കുര്യൻ, നിർമ്മാതാവ് ലിസ്റ്റിൻ സ്റ്റീഫൻ, തിരക്കഥാകൃത്ത് അഭിലാഷ് പിള്ള എന്നിവരാണ് ഇന്നലെ ചിത്രം കാണാൻ എത്തിയത്. ( Basil Joseph movie Ponman to big hit )
ഗംഭീര പ്രതികരണമാണ് ഇവരിൽ നിന്നും ചിത്രത്തിന് ലഭിച്ചത്. ഇത് കൂടാതെ തമിഴ് സൂപ്പർതാരം വിക്രം ചിത്രം കണ്ട് ഇഷ്ടപ്പെടുകയും, സംവിധായകൻ ജ്യോതിഷ് ശങ്കറിനെ നേരിട്ട് വിളിച്ച് അഭിനന്ദിക്കുകയും ചെയ്തിരുന്നു. വലിയ വിജയമാണ് പൊൻമാൻ ഇപ്പോൾ തീയേറ്ററുകളിൽ നേടുന്നത്. ആദ്യ ദിനം മുതൽ ഗംഭീര പ്രേക്ഷക പ്രതികരണം നേടിയ ചിത്രം, നിരൂപകരുടേയും പ്രശംസ നേടി. അജിത് വിനായക ഫിലിംസിന്റെ ബാനറിൽ വിനായക അജിത് നിർമ്മിച്ച ചിത്രം, ജി ആർ ഇന്ദുഗോപൻ്റെ ‘നാലഞ്ച് ചെറുപ്പക്കാർ’ എന്ന നോവലിനെ ആസ്പദമാക്കിയാണ് ഒരുക്കിയിരിക്കുന്നത്. ജി ആർ ഇന്ദുഗോപൻ, ജസ്റ്റിൻ മാത്യു എന്നിവർ ചേർന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്.
ഒരു ഫാമിലി ത്രില്ലർ മൂഡിലാണ് ചിത്രം കഥ പറയുന്നത്. യഥാർത്ഥ സംഭവകഥയിൽ നിന്ന് പ്രചോദനമുൾക്കൊണ്ടാണ് ചിത്രത്തിൻ്റെ കഥ ഒരുക്കിയത്. പ്രധാന കഥാപാത്രങ്ങളായി വേഷമിട്ട ബേസിൽ ജോസഫ്, ലിജോമോൾ ജോസ്, സജിൻ ഗോപു, ആനന്ദ് മന്മഥൻ എന്നിവരുടെ ഗംഭീര പ്രകടനങ്ങളാണ് ചിത്രത്തിന്റെ ഏറ്റവും വലിയ മികവ്. പി പി അജേഷ് എന്ന നായക കഥാപാത്രമായി ബേസിൽ ജോസഫ് തന്റെ കരിയറിലെ ഏറ്റവും മികച്ച പ്രകടനം നൽകിയപ്പോൾ, ചിത്രത്തിൽ മരിയൻ ആയി സജിൻ ഗോപുവും അമ്പരപ്പിക്കുന്ന പ്രകടനമാണ് കാഴ്ചവെച്ചത്. സ്റ്റെഫി എന്ന നായികയായി ലിജോമോൾ ജോസും ബ്രൂണോ എന്ന കഥാപാത്രമായി ആനന്ദ് മന്മഥനും പ്രേക്ഷകരുടെ കയ്യടി നേടി. ദീപക് പറമ്പൊൾ, രാജേഷ് ശർമ്മ, സന്ധ്യ രാജേന്ദ്രൻ, ജയാ കുറുപ്പ്, റെജു ശിവദാസ്, ലക്ഷ്മി സഞ്ജു, മജു അഞ്ചൽ, വൈഷ്ണവി കല്യാണി, ആനന്ദ് നെച്ചൂരാൻ, കെ വി കടമ്പനാടൻ (ശിവപ്രസാദ്, ഒതളങ്ങ തുരുത്ത്), കിരൺ പീതാംബരൻ, മിഥുൻ വേണുഗോപാൽ, ശൈലജ പി അമ്പു, തങ്കം മോഹൻ എന്നിവരാണ് ചിത്രത്തിലെ മറ്റു പ്രധാന താരങ്ങൾ.
Read Also : പൊന്നും വിലയുള്ള പ്രതികരണങ്ങൾ; പൊൻമാന് പ്രശംസയുമായി സഞ്ജു സാംസൺ..!
ഛായാഗ്രഹണം – സാനു ജോൺ വർഗീസ്, സംഗീതം – ജസ്റ്റിൻ വർഗീസ്, എഡിറ്റർ – നിധിൻ രാജ് ആരോൾ, പ്രൊജക്റ്റ് ഡിസൈനർ – രഞ്ജിത്ത് കരുണാകരൻ, പ്രൊഡക്ഷൻ ഡിസൈനർ – ജ്യോതിഷ് ശങ്കർ, കലാസംവിധായകൻ – കൃപേഷ് അയപ്പൻകുട്ടി, വസ്ത്രാലങ്കാരം – മെൽവി ജെ, മേക്കപ്പ് – സുധി സുരേന്ദ്രൻ, പ്രൊഡക്ഷൻ എക്സിക്യൂട്ടീവ് – വിമൽ വിജയ്, ചീഫ് അസോസിയേറ്റ് ഡയറക്ടർ – എൽസൺ എൽദോസ്, വരികൾ – സുഹൈൽ കോയ, സൗണ്ട് ഡിസൈൻ – ശങ്കരൻ എ എസ്, കെ സി സിദ്ധാർത്ഥൻ, സൗണ്ട് മിക്സിങ് – അരവിന്ദ് മേനോൻ, ആക്ഷൻ – ഫീനിക്സ് പ്രഭു, കളറിസ്റ്റ് – ലിജു പ്രഭാകർ, വിഎഫ്എക്സ് – നോക്ടർണൽ ഒക്റ്റേവ് പ്രൊഡക്ഷൻസ്, സ്റ്റിൽസ് – രോഹിത് കൃഷ്ണൻ, പബ്ലിസിറ്റി ഡിസൈൻ – യെല്ലോ ടൂത്ത്. അഡ്വർടൈസ്‌മെന്റ് – ബ്രിങ് ഫോർത്ത്.
Story Highlights : Basil Joseph movie Ponman to big hit
