ത്രില്ലടിപ്പിച്ച് ചിന്തിപ്പിക്കുന്ന ‘ഒരു ദുരൂഹ സാഹചര്യത്തിൽ’
‘ഒരു ദുരൂഹ സാഹചര്യത്തിൽ’ എന്ന പേര് അവസാനം വരെ നിലനിർത്തി പ്രേക്ഷകന്റെ ആസ്വാദനത്തിന്റെ 10 ൽ 10 മാർക്കും നൽകാൻ കഴിയുന്നൊരു സിനിമ തന്നെയാണ് രതീഷ് ബാലകൃഷ്ണ പൊതുവാൾ എഴുതി സംവിധാനം ചെയ്ത് സിനിമ ‘ഒരു ദുരൂഹ സാഹചര്യത്തിൽ’…എന്നും വ്യത്യസ്തമായ സിനിമകൾ മലയാളികൾക്ക് സമ്മാനിച്ച് രതീഷ് ബാലകൃഷ്ണ പൊതുവാൾ ഇത്തവണയും തന്നിൽ അർപ്പിച്ച വിശ്വാസം കൈമോശം വരുത്താതെ തന്നെ വിജയിപ്പിച്ചിട്ടുണ്ട്….ആദ്യ ദിനം തന്നെ പ്രേക്ഷരുടെ കയ്യടി നേടുകയാണ് സൈക്കോളജിക്കൽ കോമഡി ത്രില്ലർ ചിത്രം പ്രകടന മികവുകൊണ്ട് കൂടി ശ്രദ്ധേയമാകുന്ന സിനിമ സ്ഥിരം വാർപ്പ് മാതൃകകളെ തകർക്കുന്ന കുഞ്ചാക്കോ ബോബൻ കഥാപാത്രം തന്നെയാണ്…അഭിനയിച്ചവരെല്ലാം മത്സരിച്ചഭിനയിച്ച ചിത്രം പ്രകടന മികവിന്റെ പേരിലും അറിയപ്പെടുമെന്ന് തീർച്ച
Read also –കുഞ്ചാക്കോ ബോബൻ ചിത്രം “ഒരു ദുരൂഹ സാഹചര്യത്തിൽ”: ഏപ്രിൽ 15-ന് വിഷുന് തിയേറ്ററുകളിൽ എത്തും
വയനാട് തിരുനെല്ലിയിലെ തോൽപ്പട്ടി എന്ന ഗ്രാമത്തിലാണ് കഥ നടക്കുന്നത്. സേതുവെന്ന കുഞ്ചാക്കോ ബോബൻ കഥാപാത്രത്തിന്റെ സ്വപ്നങ്ങളിലൂടെ യാത്ര ചെയ്യുന്ന സിനിമ സേതുവിൻറെ ജീവിതത്തിലേക്ക് കടന്നുവരുന്നവരുടെ ജീവിതത്തിലൂടെ വികസിക്കുകായും ത്രില്ലടിപ്പിക്കുകയും ചെയ്യുന്നു..സാമൂഹികാരോഗ്യ കേന്ദ്രത്തിൽ അറ്റൻന്ററായി ജോലി ചെയ്യുന്ന ആളാണ് സേതു…വയനാട് മാവോയിസ്റ്റ് ആക്രമണങ്ങളുടെ കഥകൾ പ്രേക്ഷകന് ഒരുപാട് കേട്ടിട്ടുണ്ടെങ്കിലും ‘ഒരു ദുരൂഹ സാഹചര്യത്തിൽ’ മോവോയിസ്റ്റ് ജീവിതങ്ങളെ കുറച്ച് കൂടി വിശാലമായി അടയാളപ്പെടുത്തുന്നുണ്ട്…പേരിൽ തന്നെയുള്ള ത്രില്ലർ സ്വഭാവം ആദ്യാവസാനം കൈവിടാതെ മുന്നേറുന്ന സിനിമ പ്രണയവും സഹോദരനോടുള്ള സ്നേഹവും തീക്ഷ്ണമായ സൗന്ദര്യത്തോടെ അടയാളപ്പെടുത്തുണ്ട്… ആക്ഷനും വേദിയും അടിയും ഉൾപ്പെടുന്ന ചിത്രം പ്രേക്ഷകനിൽ എളുപ്പം ആഴ്ന്നിറങ്ങുന്നതിനൊപ്പം ഇരുത്തി ചിന്തിപ്പിക്കുകയും ചെയ്യുന്നുണ്ട്. സജിൻ ഗോപു ദിലീഷ് പോത്തൻ സംവിധായകൻ ചിദംബരം ജാഫർ ഇടുക്കി എന്നിവരുടെ അഭിനയ മികവ് പ്രേക്ഷക സ്വീകാര്യതയ്ക്കൊപ്പം, നിരൂപക പ്രശംസയും സിനിമയ്ക്ക് നൽകുന്നുണ്ട്
Story highlights: Oru Durooha Saahacharyathil is a must-watch thriller
