‘പ്ലൂട്ടോ’ ഹ്യൂമറും ഇമോഷനും ചേർത്തൊരു ക്യൂട്ട് ഏലിയൻ ചിത്രം
ആദിത്യൻ ചന്ദ്രശേഖർ സംവിധാനം ചെയ്ത് നീരജ് മാധവും അൽത്താഫ് സലീമും പ്രധാന വേഷങ്ങളിലെത്തിയ ‘പ്ലൂട്ടോ’ തിയേറ്ററുകളിലെത്തിയിരിക്കുകയാണ്. സയൻസ് ഫിക്ഷനും കോമഡിയും കൂട്ടിക്കലർത്തി അവതരിപ്പിച്ച ചിത്രം പ്രേക്ഷകർക്ക് ഒരുറിഫ്രഷിംഗ് അനുഭവം നൽകുന്നു. വിക്കി എന്ന ചെറുപ്പക്കാരന്റെ ജീവിതത്തിലേക്ക് അപ്രതീക്ഷിതമായി ഒരു അന്യഗ്രഹജീവി എത്തിപ്പെടുന്നതും. പിന്നീട് അവർ തമ്മിലുള്ള സൗഹൃദവും വിശേഷങ്ങളുമാണ് പ്ലൂട്ടോ പങ്കുവയ്ക്കുന്നത്. വിക്കിയായി നീരജ് എത്തുമ്പോൾ ഏലിയൻ കഥാപാത്രം അൽത്താഫിൻ്റെ കയ്യിൽ സുരക്ഷിതം. ‘പ്ലൂട്ടോ’ ഭൂമിയിലെ സാഹചര്യങ്ങളുമായി പൊരുത്തപ്പെടാൻ ശ്രമിക്കുകയും വിക്കിയും പ്ലൂട്ടോയും തമ്മിലുള്ള സൗഹൃദവും, അതിനെത്തുടർന്നുണ്ടാകുന്ന ചിരിയും രസകരവുമായ സംഭവവികാസങ്ങളുമാണ് ചിത്രത്തിന്റെ കാതൽ. ചിരിക്കാൻ നിങ്ങൾക്ക് ഒരു അത്യുഗ്രൻ തിയറ്റേർ എക്സ്പീരിയൻസാണ് ഏലിയൻ ഒരുക്കിവച്ചിരിക്കുന്നത് എന്നതിന് ഒരു സംശയവുമില്ല. കുടുംബ പ്രേക്ഷകർക്കും കുട്ടികൾക്കും ഒരുപോലെ ആസ്വദിക്കാവുന്ന ലളിതമായ കോമഡിചിത്രമാണ് പ്ലൂട്ടോ.
കടുപ്പമേറിയ സയൻസ് ഫിക്ഷൻ ഘടകങ്ങൾ പ്രതീക്ഷിക്കുന്നവർക്ക് ചിത്രം ലളിതമായി തോന്നാമെങ്കിലും നീരജ് – അൽത്താഫ് കൂട്ടുകെട്ട് പ്രേക്ഷകർക്ക് നിരാശ നൽകില്ല എന്നുറപ്പ്. നിയാസ് മുഹമ്മദിന്റെ കഥയിൽ ആദിത്യൻ ചന്ദ്രശേഖർ വളരെ ലളിതവും എന്നാൽ രസകരമായരീതിയിലുമാണ് സിനിമ അവതരിപ്പിച്ചിരിക്കുന്നത്. അന്യഗ്രഹജീവിയായുള്ള അൽത്താഫിന്റെ ഭാവങ്ങളും പ്രകടനവുമാണ് സിനിമയുടെ പ്രധാന ആകർഷണം, ആർഷ ചാന്ദ്നി ബൈജു, അജു വർഗീസ്, വിനീത് തട്ടിൽ, ദിനേഷ് പ്രഭാകർ തുടങ്ങിയവരും തങ്ങളുടെ കഥാപാത്രങ്ങൾ വളരെ ഭംഗിയായി അവതരിപ്പിച്ചിട്ടുണ്ട്. വലിയ സങ്കീർണ്ണതകളോ ആക്ഷൻ രംഗങ്ങളോ പ്രതീക്ഷിക്കാതെ, തിയേറ്ററിൽ ശാന്തമായി ഇരുന്ന് ചിരിച്ചുകാണാൻ പറ്റിയ ഒരു ക്യൂട്ട് എന്റർടെയ്നറാണ് ‘പ്ലൂട്ടോ’
Story Highlights: A Heartwarming Sci-Fi Comedy Driven by Pure Charm and Humor
