പീക്ക് എന്റർടെയ്ൻമെന്റ്; പ്രിത്വിരാജിന്റെ മാസ്സ് ആക്ഷൻ, തൂക്കി ലാലേട്ടന്റെ കാമിയോ…കയ്യടി നേടി ഖലീഫ
മലയാളി ആഘോഷങ്ങളുടെ എവറസ്റ്റായ ഓണത്തിന് പീക്ക് എന്റർടെയ്ൻമെന്റുമായി തീയേറ്ററിൽ കയ്യടി നേടുകയാണ് പ്രിത്വിരാജിന്റെ ഖലീഫ…പ്രേക്ഷകന്റെ ഇഷ്ടത്തിന്റെ നൂറിൽ നൂറ് മാർക്കും നേടുന്ന ആക്ഷൻ സിനിമകളുടെ കൂട്ടത്തിലേക്കാണ് പൃഥ്വിരാജിന്റെ ക്വിന്റൽ ഇടിയുമായി ഖലീഫ എത്തുന്നത്. മലയാളികളുടെ ആഘോഷത്തിന്റെ എല്ലാം ഭാഗമാണ് ലാലേട്ടൻ ഇത്തവണയും അതിനൊരു കുറവ് വരുത്തിയില്ല, മാമ്പറയ്ക്കൽ അഹമ്മദ് അലിയായി കാമിയോയായെത്തി ചിത്രത്തിന്റെ ലെവലുയർത്തുന്ന പ്രകടനമാണ് താരം നടത്തിയത്. ഇത്തവണ ലാലേട്ടൻ അതിഥി വേഷത്തിലാണെങ്കിലും മാമ്പറയ്ക്കൽ അഹമ്മദ് അലിയുടെ കഥ പറയുന്ന മുഴുനീള സിനിമ ഉടനെത്തുമെന്നാണ് വാർത്തകൾ
Read Also- നീലക്കണ്ണകളുള്ളൊരു വെൺ മേഘ പക്ഷി …’ലോ ആൻ്റെ ഓർഡറി’ലെ ആദ്യ വീഡിയോ ഗാനമെത്തി
സ്വർണക്കടത്താണ് കഥാപശ്ചാത്തലമായി വരുന്ന സിനിമയിൽ ആമിർ അലിയെന്ന ചെറുപ്പക്കാരന്റെ യാത്രയും വീഴ്ചയും വളർച്ചയും അതിജീവനവും ജീവിതവുമായി സിനിമ സംസാരിക്കുന്നത്. ഒരു പക്കാ കൊമേഴ്സൽ സിനിമയ്ക്ക് വേണ്ട എല്ലാ ഘടകങ്ങളും സമം ചേർത്തൊരുക്കിയ ചിത്രം തട്ടുപൊളിപ്പൻ സിനിമകളുടെ മാസ്റ്റർ വൈശാഖിന്റെ സംവിധാന മികവിന്റെ അടയാളപ്പെടുത്താലാണ്.. ഗംഭീര വിഷ്വൽ ട്രീറ്റ് തന്നെയാണ് സിനിമ…ആമിർ അലിയെ സ്റ്റൈലിഷ് മാസ് പ്രകടനത്തിലൂടെ പ്രിത്വിരാജ് പ്രേക്ഷകരുടെ പ്രിയപ്പെട്ടതാക്കി മാറ്റിയിട്ടുണ്ട്. ബോളിവുഡ് താരം നീൽ നിതിൻ മുകേഷ്, തെലുങ്ക് താരം മാളവിക ശർമ്മ ഇന്ദ്രൻസ്, രഞ്ജി പണിക്കർ, മോഹിനി, സഞ്ജു ശിവറാം, ഷമ്മി തിലകൻ തുടങ്ങിയ വൻ താരനിര ചിത്രത്തിൽ അണിനിരക്കുന്നുണ്ട്…വില്ലനായെത്തുന്ന നീൽ നിതിൻ മുകേഷിൻറെ ആദ്യ മലയാള സിനിമയാണ് ഖലീഫ…
ജിനു എബ്രഹാം തിരക്കഥ ഒരുക്കിയ ചിത്രത്തിന്റെ നട്ടെല്ലായ മാസ് ആക്ഷൻ രംഗങ്ങൾക്ക് പിന്നിൽ യാനിക് ബെൻ, ഫീനിക്സ് പ്രഭു, ചേതൻ ഡിസൂസ എന്നിവരാണ്. ഖലീഫയിലെ മാസ്സ് നിമിഷങ്ങൾ പവർഫുൾ മാസാക്കി മാറ്റിയതിൽ കയ്യടി സംഗീതമൊരുക്കിയ ജേക്സ് ബിജോയ്ക്കാണ്. പ്രേക്ഷക പ്രതീക്ഷയ്ക്ക് ഒരു കുറവും വരുത്തിയിട്ടില്ല ജേക്സ്. ഇന്ന് മലയാളത്തിലെ ഏറ്റവും തിരക്കുള്ള എഡിറ്റർ ചമൻ ചാക്കോയുടെ എഡിറ്റിങ് സിനിമയെ കൂടുതൽ എൻഗേജിങ്ങും ചടുലവുമാക്കി മാറ്റുന്നുണ്ട്.ജിനു ഇന്നോവേഷന്റെ ബാനറിൽ ജിനു എബ്രഹാമും സൂരജ് കുമാറും ചേർന്നാണ് ചിത്രം നിർമിച്ചിരിക്കുന്നത്. ഓണത്തിന് ആഘോഷമാക്കി ആവേശത്തോടെ സിനിമ കാണാൻ നിങ്ങൾക്ക് ഖലീഫയ്ക്ക് ടിക്കറ്റെടുക്കാം
Storyhighlights: Khalifa: The Ruler Everything You Need to Know
