അഴിക്കുംതോറും മുറുകുന്ന കുരുക്ക്; മികച്ച സിനിമ അനുഭവമായി ‘ആരം ‘

രജീഷ് പരമേശ്വരന്റെ സംവിധാനത്തിൽ വിഷ്ണു രാമചന്ദ്രന്റെ തിരക്കഥ രചിച്ച സൈക്കോളജിക്കൽ ഇൻവെസ്റ്റിഗേറ്റീവ് ക്രൈം ത്രില്ലറാണ് അത്. തുടക്കം മുതൽ ഒടുക്കം വരെ പ്രേക്ഷകരെ മുൾമുനയിൽ നിർത്തി ചിന്തിപ്പിക്കുന്ന, മികച്ചൊരു തിയേറ്റർ അനുഭവമാണ് ചിത്രം സമ്മാനിക്കുന്നത്.

കോഴിക്കോട് നഗരത്തിലെ തൻ്റെ സ്റ്റേഷൻ പരിധിയിൽ അപ്രതീക്ഷിതമായി സംഭവിക്കുന്ന ഒരു കൊലപാതകം അന്വേഷിക്കുന്ന ആൻ്റോ ഈപ്പൻ എന്ന സർക്കിൾ ഇൻസ്പെക്ടറുടെ വേഷമാണ് സൈജു കുറുപ്പ് കൈകാര്യം ചെയ്യുന്നത്.

സത്യസന്ധനും കർക്കശക്കാരനുമായ ആന്റോ ഈപ്പൻ ആ അന്വേഷണത്തിന്റെ ഓരോ ഘട്ടത്തിലും നേരിടുന്ന മാനസിക സംഘർഷങ്ങളും അപ്രതീക്ഷിത ട്വിസ്റ്റുകളുമാണ് കഥയെ മുന്നോട്ട് നയിക്കുന്നത്. സിനിമയുടെ കഥാ പശ്ചാത്തലത്തെ കൃത്യമായ സൈക്കോളജിക്കൽ ലെയറുകളോടെ സ്ക്രീനിലെത്തിക്കാൻ സംവിധായകന് കഴിഞ്ഞിട്ടുണ്ട്.

സൈജു കുറുപ്പിന്റെ കരിയറിലെ തന്നെ ഏറ്റവും മികച്ച പെർഫോമൻസുകളിൽ ഒന്നാണ് ആന്റോ ഈപ്പൻ എന്ന പോലീസ് കഥാപാത്രം. പോലീസ് കഥാപാത്രത്തിന്റെ ഗൗരവവും ഉള്ളിലെ സംഘർഷങ്ങളും അങ്ങേയറ്റം സ്വാഭാവികതയോടെ അദ്ദേഹം സ്ക്രീനിൽ പ്രതിഫലിപ്പിച്ചു. സിദ്ദിഖ്, സുധീഷ് എന്നിവർ തന്റെ പരിചയസമ്പന്നത കൊണ്ട് കഥാപാത്രങ്ങളെ ഗംഭീരമാക്കിയപ്പോൾ, അഞ്ജു കുര്യനും അസ്കർ അലിയും അന്വേഷണത്തിന്റെ വഴിത്തിരിവുകളിൽ നിർണ്ണായക സ്വാധീനം ചെലുത്തുന്ന കഥാപാത്രങ്ങളായി തിളങ്ങി. കാസ്റ്റിംഗിലെ കൃത്യത സിനിമയുടെ വലിയൊരു പ്ലസ് പോയിന്റാണ്.ഗുഡ് ഹോപ്പ് പ്രൊഡക്ഷൻസിന്റെ ബാനറിൽ ഡോ. ജുനൈസ് ബാബു നിർമ്മിച്ച ‘ആരം’, ഇൻവെസ്റ്റിഗേറ്റീവ് ത്രില്ലർ പ്രേക്ഷകർ തിയേറ്ററിൽ തന്നെ കണ്ടിരിക്കേണ്ട മികച്ചൊരു ക്രൈം ഡ്രാമയാണ്.

Story Highlights : Aaram movie updates, bookings open for show