മന്‍മോഹന്‍ സിംഗിന്റെ ജീവിതകഥയുമായി ‘ദ് ആക്‌സിഡന്റല്‍ പ്രൈം മിനിസ്റ്റര്‍’; ട്രെയ്‌ലര്‍ ശ്രദ്ധേയമാകുന്നു
മുന്‍ ഇന്ത്യന്‍ പ്രധാനമന്ത്രി മന്‍മോഹന്‍ സിംഗിന്റെ ജീവിതം പ്രമേയമാക്കിയുള്ള പുതിയ ചിത്രമാണ് ‘ദ് ആക്‌സിഡന്റല്‍ പ്രൈം മിനിസ്റ്റര്‍’. ചിത്രത്തിന്റെ ട്രെയ്‌ലര്‍ പുറത്തിറങ്ങി. അനുപം ഖേര്‍ ആണ് മന്‍മോഹന്‍ സിംഗ് ആയി വെള്ളിത്തിരയിലെത്തുന്നത്.
ഹിന്ദി, ഇംഗ്ലീഷ്, തമിഴ്, തെലുങ്ക് ഭാഷകളില്‍ ചിത്രം റിലീസ് ചെയ്യും. രാഷ്ട്രീയ പ്രമുഖരുമായി ഏറെ സാമ്യത്തോടെയാണ് ചിത്രത്തിലെ ഓരോ കഥാപാത്രങ്ങളും ട്രെയ്‌ലറില്‍ പ്രത്യക്ഷപ്പെട്ടിരിക്കുന്നത്. രാഹുല്‍ ഗാന്ധിയും സോണിയാ ഗാന്ധിയുമെല്ലാം കഥാപാത്രങ്ങളായി ചിത്രത്തിലെത്തുന്നുണ്ട്.
അക്ഷയ് ഖന്നയാണ് മന്‍മോഹന്‍ സിങിന്റെ മാധ്യമ ഉപദേഷ്ടാവായ സഞ്ജയ ബാറു ആയി വേഷമിടുന്നത്. ജര്‍മ്മന്‍ നടി സൂസന്‍ ബെര്‍ണേട്ട് ആണ് സോണിയ ഗാന്ധിയായി ചിത്രത്തിലെത്തുന്നുണ്ട്. വിക്രം ഗുട്ടെയാണ് ദ് ആക്‌സിഡന്റല്‍ പ്രൈം മിനിസ്റ്റര്‍ എന്ന ചിത്രത്തിന്റെ സംവിധായകന്‍.
