അറിഞ്ഞിരിക്കാം ഉണക്കമുന്തിരിയുടെ ഗുണങ്ങൾ
സ്ലിം ആയിരിക്കാനാണ് കൂടുതൽ ആളുകളും ആഗ്രഹിക്കുന്നത്, എന്നാൽ തീരെ മെലിഞ്ഞിരുന്നാലും കുഴപ്പമാണ്. അപ്പോൾ തടി കുറയ്ക്കാൻ ആഗ്രഹിക്കുന്നവരെപോലെത്തന്നെ തടി വയ്ക്കാൻ ആഗ്രഹിക്കുന്നവരും നിരവധിയുണ്ട്. പാർശ്വഫലങ്ങൾ ഇല്ലാതെതന്നെ ശരീരഭാരം വർധിപ്പിക്കാൻ ഏറ്റവും ഉത്തമമാണ് ഉണക്കമുന്തിരി. കൊളസ്ട്രോൾ കൂട്ടാതെ ഭാരം കൂട്ടാന്‍ ഉണക്ക മുന്തിരി കഴിക്കുന്നത് അത്യുത്തമമാണ്. ഉണക്കമുന്തിരിയിൽ പൊട്ടാസിയം വിറ്റാമിൻ സി, കാൽസ്യം, വിറ്റാമിൻ ബി- 6, ഇരുമ്പ്, സിങ്ക് എന്നിവ അടങ്ങിയിട്ടുണ്ട്
ആരോഗ്യപ്രശ്നങ്ങളിൽ ഏറ്റവും വില്ലനാണ് ഹൃദ്രോഗം. ഹൃദ്രോഗം പലപ്പോഴും മരണത്തിലേക്കാണ് വിരൽ ചൂണ്ടുന്നത്. ചെറുതെന്ന് കരുതി കാര്യമാക്കാത്ത നെഞ്ചുവേദനകൾ പലപ്പോഴും ഹൃദയാഘാതത്തിലേക്ക് നയിക്കാറുണ്ട്. ആരോഗ്യ പ്രശ്നങ്ങൾ ഇല്ലാതെ ഹൃദയത്തെ സ്മാർട്ടാക്കാനുള്ള ഏറ്റവും അത്യുത്തമമായ മാർഗമാണ് ഉണക്ക മുന്തിരി.
ഉണക്ക മുന്തിരി പതിവായി കഴിക്കുന്നത് പലവിധത്തിലുള്ള ഗുണങ്ങൾ പ്രധാനം ചെയ്യുന്നു. പലതരത്തിലുള്ള രോഗങ്ങളിൽ നിന്നും നമുക്ക് മുക്തി നേടാനും പല രോഗങ്ങളെയും മുൻകൂട്ടി തടയാനും ഉണക്ക മുന്തിരി ബെസ്റ്റാണ്. ഉണക്കമുന്തിരിയിലെ നാരുകൾ ശരീരത്തിൽ പിത്തരസം ഉത്പാദിപ്പിക്കുന്നതോടെ ശരീരത്തിൽ കൊളസ്ട്രോൾ ഇല്ലാതാവുന്നു. ഇതോടെ ശരീരത്തിലെ ഹൃദയത്തിന്റെ പ്രവർത്തനം ഊർജിതമായി നടക്കുന്നു. ഇത് ഹൃദയാഘാതം ഉണ്ടാകാതെ ശരീരത്തെ സംരക്ഷിക്കുന്നു.
Read also:അറിയാതെ പോകരുത് ‘പപ്പായ’യുടെ ഈ ഗുണങ്ങൾ..
കൊളസ്ട്രോൾ മാത്രമല്ല ശരീരത്തിൽ ഉണ്ടാകുന്ന പലരോഗങ്ങളും തടയാൻ അത്യുത്തമമാണ് ഉണക്കമുന്തിരി. കണ്ണുകളുടെ ആരോഗ്യത്തിനും, പല്ലുകളുടെ നല്ല രീതിയിലുള്ള വളർച്ചയ്ക്കും ഇത് സഹായകരമാണ്. മലബന്ധം ഒഴുവാക്കുക, വയറിൽ ഉണ്ടാകുന്ന അസ്വസ്ഥകൾ തടയുക, അസിഡിറ്റി ഇല്ലാതാക്കുക, കുടലിലിനെ ബാധിക്കുന്ന ക്യാൻസർ തടയുക, സ്ത്രീകളിലെ എല്ലു തേയ്മാനം പോലുള്ള രോഗങ്ങൾക്കും ഉത്തമമാണ് ഉണക്ക മുന്തിരി. അതുപോലെ ശരീര ഭാരം വർധിപ്പിക്കുന്നതിനും ബുദ്ധിശക്തി വർധിപ്പിക്കുന്നതിനും ഏറ്റവും ബെസ്റ്റാണ് ഉണക്ക മുന്തിരി.
