വൃക്കരോഗത്തെ തടയാൻ എടുക്കാം ചില മുൻകരുതലുകൾ
ശരീരത്തിലെത്തുന്ന മാലിന്യങ്ങളെ അരിച്ചുമാറ്റുന്നത് വൃക്കയാണ്. എന്നാൽ ഈ വൃക്കയുടെ പ്രവർത്തനം ശരിയായി നടന്നില്ലെങ്കിൽ ആരോഗ്യ സ്ഥിതി വളരെ മോശമാകും. അതുകൊണ്ടുതന്നെ ഏറെ കരുതലോടെ സംരക്ഷിക്കേണ്ട മനുഷ്യ ശരീരത്തിലെ ഒരു അവയവമാണ് വൃക്ക. മാറി മാറി വരുന്ന ജീവിതശൈലികള്‍ പലപ്പോഴും വൃക്കകളുടെ ആരോഗ്യത്തെ മോശമായി ബാധിക്കാറുണ്ട്. വെള്ളം ധാരാളമായി കുടിച്ചാല്‍ ഒരു പരിധിവരെ പലവിധ രോഗങ്ങളില്‍ നിന്നും വൃക്കകളെ സംരക്ഷിക്കാം. ശരീരത്തിലെ ജലത്തിന്റെ അളവ് സന്തുലനാവസ്ഥയില്‍ നിലനിര്‍ത്തേണ്ടതും വൃക്കകളുടെ ആരോഗ്യത്തിന് അത്യാവശ്യമാണ്.
പലവിധ രോഗങ്ങളും വൃക്കകളെ മോശമായി ബാധിക്കാറുണ്ട്. കിഡ്‌നി സ്റ്റോണ് ആണ് ഇത്തരം രോഗങ്ങളില്‍ പ്രധാനം. നാരങ്ങാവെള്ളം, സംഭാരം, രാമച്ചം, തുളസിയില, കരിങ്ങാലി തുടങ്ങിയവ ഇട്ടു തിളപ്പിച്ച വെള്ളം കുടിക്കുന്നത് നല്ലതാണ്. അമിതമായ ഉപ്പിന്റെ ഉപയോഗം കിഡ്‌നി സ്റ്റോണ് ഉണ്ടാകാനുള്ള സാധ്യത വര്‍ധിപ്പിക്കുകയും ചെയ്യും. കാര്‍ബണേറ്റഡ് ഡ്രിങ്കുകള്‍, കോളകള്‍, ഓക്‌സലേറ്റ് അധികമുള്ള പാനിയങ്ങള്‍ തുടങ്ങിയവ വൃക്കകളുടെ ആരോഗ്യത്തിന് നല്ലതല്ല. ചൂടുകാലത്ത് പ്രോട്ടീന്‍ അധികമുള്ള ഭക്ഷണങ്ങള്‍ അധികം കഴിക്കാതിരിക്കുന്നതാണ് നല്ലത്.
Read also: ആടിത്തിമിർത്ത് ചെമ്പൻ വിനോദും നൈല ഉഷയും; ശ്രദ്ധേയമായി പുതിയ പോസ്റ്റർ
ചൂടുകാലത്ത് കിഡ്‌നി സ്റ്റോണ് വ്യാപകമായി കണ്ടുവരാറുണ്ട്. ചൂടുകാലം പൊതുവേ വൃക്കകള്‍ക്ക് അധ്വാനം കൂടുതലുമാണ്. വൃക്കള്‍ക്ക് നേരിടേണ്ടിവരുന്ന ചെറിയ തരത്തിലുള്ള ക്ഷീണം പോലും ശരീരത്തെ കാര്യമായി തന്നെ ബാധിക്കും. അതുകൊണ്ടു തന്നെ ഈ ചൂടുകാലത്ത് വൃക്കകളുടെ ആരോഗ്യകാര്യത്തില്‍ ഒരല്പം ശ്രദ്ധ കൂടുതല്‍ കൊടുക്കേണ്ടതുണ്ട്.
