രക്തചുവപ്പില്‍ ആകാശം, എങ്ങും പുകപടലങ്ങള്‍; ഭയപ്പെടുത്തുന്ന ഈ ദൃശ്യങ്ങള്‍ക്ക് പിന്നില്‍: വീഡിയോ
അപ്രതീക്ഷിതമായാണ് പ്രകൃതിയില്‍ പല പ്രതിഭാസങ്ങളും അരങ്ങേറാറുള്ളത്. മനുഷ്യന്റെ ചിന്തകള്‍ക്കും അറിവുകൾക്കുമൊക്കെ അതീതമായിരിക്കും ഇത്തരം പ്രതിഭാസങ്ങള്‍. പ്രകൃതിയിലെ ഓരോ പ്രതിഭാസങ്ങള്‍ക്ക് പിന്നിലും ഓരോ കാരണങ്ങളുണ്ട്. അതുകൊണ്ടുതന്നെ പ്രകൃതിയുടെ ഈ ഭാവമാറ്റങ്ങള്‍ കണ്ടെത്തിക്കൊണ്ടുള്ള മനുഷ്യന്റെ പരീക്ഷണങ്ങളും അവസാനമില്ലാതെ തുടര്‍ന്നുകൊണ്ടേയിരിക്കുന്നു.
കഴിഞ്ഞ ദിവസം സാമൂഹ്യമാധ്യമങ്ങളില്‍ ആകെ ചര്‍ച്ചയായതും പ്രകൃതിയുടെ തികച്ചും വിത്യസ്തമായ ഒരു ഭാവമാറ്റം തന്നെയാണ്. ദിവസങ്ങളായി ഇന്തോനേഷ്യയിലെ ജാംബി പ്രവിശ്യയില്‍ ആകാശത്തിന് കടും ചുവപ്പ് നിറമാണ്. ചുറ്റുമാകട്ടെ കനത്ത പുകപടലങ്ങളും. നിരവധി പേരാണ് ഈ പ്രതിഭാസത്തിന്റെ വീഡിയോ സാമൂഹ്യ മാധ്യമങ്ങളില്‍ പങ്കുവച്ചതും.
Read more:സ്വര്‍ണ്ണം സമ്മാനമായി നല്‍കി അപരിചിതന്‍; നിറകണ്ണുകളോടെ യുവാവ്: സ്നേഹവീഡിയോ
എന്നാല്‍ കാട്ടുതീയുടെ ഫലമായുണ്ടായതാണ് ഈ പ്രതിഭാസം. ജാംബി പ്രവിശ്യയില്‍ ഗ്രീഷ്മകാലത്തോട് അനുബന്ധിച്ച് കൃഷിഭൂമിയും വനഭൂമിയുമൊക്കെ കത്തിക്കാറുണ്ട്. ഇതിന്റെ ഫലമായാണ് അന്തരീക്ഷത്തില്‍ കനത്ത പുകയും മൂടല്‍മഞ്ഞുമൊക്കെ രൂപപ്പെടുന്നത്.
അതേസമയം അന്തരീക്ഷത്തിലെ പൊടിപടലങ്ങളിലെ സാമാന്യം വലിയ കണങ്ങളിലൂടെ പ്രകാശം കടന്നുപോകുമ്പോള്‍ റെയ്‌ലി വിസരണം എന്നൊരു പ്രതിഭാസം ഉണ്ടാകാറുണ്ട്. ഈ പ്രതിഭാസത്തിന്റെ ഫലമായാണ് ജാംബി പ്രവിശ്യയിലെ അന്തരീക്ഷം ചുവപ്പു നിറത്തിലായത്. പ്രകാശത്തിന്റെ തരംഗദൈര്‍ഘ്യത്തെക്കാളും കുറഞ്ഞ വലിപ്പമുള്ള കണങ്ങളില്‍ പ്രകാശം പ്രതിഫലിച്ചുണ്ടാകുന്ന വിസരണമാണ് റെയ്‌ലി വിസരണം. ഈ പ്രതിഭാസം വഴിയാണ് പ്രകാശം നേരിട്ട് എത്താത്തിടത്തും പ്രകാശം എത്താന്‍ കാരണമാകുന്നത്. ആകാശത്തിന്റെ നീല നിറത്തിനും കാരണം റെയ്‌ലി പ്രതിഭാസമാണ്.
Ini sore bukan malam. Ini bumi bukan planet mars. Ini jambi bukan di luar angkasa. Ini kami yang bernafas dengan paru-paru, bukannya dengan insang. Kami ini manusia butuh udara yang bersih, bukan penuh asap.
Lokasi : Kumpeh, Muaro Jambi #KabutAsap #KebakaranHutanMakinMenggila pic.twitter.com/ZwGMVhItwi— Zuni Shofi Yatun Nisa (@zunishofiyn) September 21, 2019
This is not an instagram filter. THIS IS INDONESIA AT 1 PM.
the sky turns red, due to the smog. schools are all closed in. we miss seeing the sky in blue !!!!#prayforindonesia #PrayForJambi
pic.twitter.com/0LBBxbW8zo— Sarang.izone (@shinhaerin20) September 23, 2019
