“ഒരു 30 സെക്കന്‍ഡ് തരൂ, പ്ലീസ്…”; ചിരിമുഹൂര്‍ത്തങ്ങളുമായി ‘ഉറിയടി’ ടീസര്‍
September 17, 2019
സിനിമകള്‍ തിയറ്ററുകളില്‍ പ്രദര്‍ശനത്തിന് എത്തുംമുമ്പേ ചിത്രത്തിന്റെ ടീസറുകളും ട്രെയ്‌ലറുകളുമെല്ലാം പ്രേക്ഷകര്‍ ഏറ്റെടുക്കാറാണ് പതിവ്. ചലച്ചിത്ര ആസ്വാദകര്‍ക്കിടയില്‍ ശ്രദ്ധ ആകര്‍ഷിക്കുകയാണ് ‘ഉറിയടി’ എന്ന ചിത്രത്തിന്റെ ടീസര്‍. എ ജെ വര്‍ഗീസാണ് ചിത്രത്തിന്റെ സംവിധാനം നിര്‍വ്വഹിക്കുന്നത്.
‘അടി കപ്യാരേ കൂട്ടമണി’ എന്ന ചിത്രത്തിന് ശേഷം എ ജെ വര്‍ഗ്ഗീസ് സംവിധാനം നിര്‍വ്വഹിക്കുന്ന ചിത്രമാണ് ‘ഉറിയടി’. നര്‍മ്മത്തിന് പ്രാധാന്യം നല്‍കിക്കൊണ്ടാണ് ചിത്രം ഒരുക്കുന്നതെന്നാണ് സൂചന. ചിത്രത്തിന്റെ ടീസറും ഇത് ശരി വയ്ക്കുന്നുണ്ട്. ഒട്ടേറെ ചിരി മുഹൂര്‍ത്തങ്ങളുണ്ട് ചിത്രത്തിന്റെ ടീസറില്‍.
നിരവധി താരങ്ങളും ചിത്രത്തില്‍ അണിനിരക്കുന്നുണ്ട്. ശ്രീനിവാസന്‍, ബൈജു, ഇന്ദ്രന്‍സ്, അജു വര്‍ഗീസ്, സിദ്ദിഖ് തുടങ്ങിയവര്‍ ‘ഉറിയടി’ എന്ന ചിത്രത്തില്‍ പ്രധാന കഥാപാത്രങ്ങളായെത്തുന്നു.
