നായികയായി ബേബി മോൾ; ശ്രദ്ധനേടി ‘ഹെലൻ’ സെക്കന്റ് ലുക്ക് പോസ്റ്റർ
ആദ്യ ചിത്രത്തിലൂടെത്തന്നെ പ്രേക്ഷകരുടെ ഹൃദയത്തിൽ ഇടം നേടിയ താരമാണ് ബേബി മോൾ എന്ന് മലയാളികൾ സ്നേഹത്തോടെ വിളിക്കുന്ന അന്ന ബെൻ. അന്ന ബെന്‍ ടൈറ്റില്‍ കഥാപാത്രത്തെ അവതരിപ്പിക്കുന്ന പുതിയ ചിത്രമാണ് ‘ഹെലന്‍’. ചിത്രം സംവിധാനം ചെയ്യുന്നത് നവാഗതനായ മാത്തുക്കുട്ടി സേവ്യര്‍ ആണ്. ചിത്രത്തിന്റെ പോസ്റ്ററാണ് സമൂഹമാധ്യമങ്ങളിൽ ശ്രദ്ധേയമാകുന്നത്.
ചിത്രീകരണം ആരംഭിച്ച സിനിമ ഹാബിറ്റ് ഓഫ് ലൈഫിന്റെ ബാനറില്‍ വിനീത് ശ്രീനിവാസനാണ് നിര്‍മ്മിക്കുന്നത്. വിനീത് ശ്രീനിവാസൻ നിർമ്മിക്കുന്ന രണ്ടാമത്തെ ചിത്രമാണ് ഹെലൻ. ചിത്രത്തിന്റെ പോസ്റ്റർ നേരത്തെ ചലച്ചിത്രലോകത്ത് ശ്രദ്ധനേടിയിരുന്നു.‘ദി ചിക്കന്‍ ഹബ്ബ്’ എന്ന പേരിലുള്ള റസ്റ്റോറന്റിലെ വെയ്ട്രസ് ആണ് അന്നയുടെ കഥാപാത്രമെന്നാണ് പോസ്റ്റര്‍ തരുന്ന സൂചന. ലാല്‍ പോള്‍, അജു വര്‍ഗീസ്, റോണി ഡേവിഡ് രാജ് എന്നിവര്‍ക്കൊപ്പം ഒരുകൂട്ടം പുതുമുഖങ്ങളും മറ്റ് കഥാപാത്രങ്ങളെ അവതരിപ്പിക്കും.
Read also: ‘നിനക്ക് ചുറ്റും എപ്പോഴും സ്നേഹമുണ്ട്, മാന്ത്രികതയും’; നവീനൊപ്പമുള്ള ചിത്രം പങ്കുവച്ച് ഭാവന
അവതരണത്തിലെ പുതുമ കൊണ്ടും കഥാപാത്രങ്ങളിലെ വിത്യസ്ഥതകൊണ്ടും മലയാളി പ്രേക്ഷകർ നെഞ്ചേറ്റിയ ചിത്രമാണ് കുമ്പളങ്ങി നൈറ്റ്സ്. ചിത്രത്തിലെ ഓരോ കഥാപാത്രങ്ങളും ആസ്വാദകരുടെ ഹൃദയം കീഴടക്കുമ്പോൾ ബേബി മോൾക്കും ആരാധകർ ഏറെയാണ്. ചിത്രത്തിലെ അന്ന ബെൻ അവതരിപ്പിച്ച കഥാപാത്രമാണ് ബേബി മോൾ.
മധു സി നാരായണ്‍ സംവിധാനം ചെയ്ത ചിത്രമാണ് ‘കുമ്പളങ്ങി നൈറ്റ്സ്’. ശ്യാം പുഷ്‌കറും ദിലീഷ് പോത്തനും ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഇരുവരുടെയും കൂട്ടുകെട്ടില്‍ നിര്‍മ്മിക്കപ്പെടുന്ന ആദ്യ ചിത്രം കൂടിയാണിത്. വര്‍ക്കിങ് ക്ലാസ് ഹീറേയുമായി ചേര്‍ന്ന് ഫഹദ് ഫാസില്‍ ആന്റ് ഫ്രണ്ട്‌സാണ് ചിത്രത്തിന്റെ നിര്‍മ്മാണം.
