അനന്തരം: വൃക്കരോഗത്തോട് പോരാടുന്ന ഗിരീഷിന് സഹായവുമായി സുമനസ്സുകള്‍

November 21, 2019

അനുദിനവും മഹാരോഗങ്ങളോട് പോരാടി ജീവിക്കുന്നവര്‍ സമൂഹത്തില്‍ നിരവധിയാണ്. ഒരു നേരത്തെ മരുന്നിന് പോലും പണം കണ്ടെത്താനാവാതെ വിഷമിക്കുന്നവര്‍ നമുക്കിടയില്‍ ഉണ്ട്. രോഗങ്ങളാലും ദുരിതങ്ങളാലും കഷ്ടപ്പെടുന്ന അനേകര്‍ക്ക് കാരുണ്യത്തിന്റെ സാന്ത്വന സ്പര്‍ശമേകുകയാണ് ഫ്ളവേഴ്‌സ് ടിവിയില്‍ സംപ്രേക്ഷണം ചെയ്യുന്ന അനന്തരം പരിപാടി. നന്മ മനസ്സുള്ള നിരവധി പേരാണ് അനന്തരം പരിപാടിയിലൂടെ അനേകര്‍ക്ക് സഹായഹസ്തവുമായെത്തുന്നത്.

26 വയസ്സുള്ള യുവാവാണ് ഗിരീഷ്. അനുദിനവും രോഗത്തോട് പോരാടുകയാണ് ഈ ചെറുപ്പക്കാരന്‍. കാസര്‍ഗോഡ് ജില്ലയിലെ ചെറുവത്തൂരാണ് ഗിരീഷിന്റെ സ്വദേശം. കഴിഞ്ഞ രണ്ട് വര്‍ഷക്കാലമായി വൃക്ക സംബന്ധമായ അസുഖത്താല്‍ ദുരിതമനുഭവിക്കുകയാണ് ഗിരീഷ്.

ഡിഗ്രി പൂര്‍ത്തിയാക്കിയ ഗിരീഷ് ഒരു ജോലിക്കായി വിദേശത്തേക്ക് പോയിരുന്നു. അവിടെവെച്ചാണ് രോഗം ഈ ചെറുപ്പക്കാരനെ പിടികൂടിയത്. ഒരു പനിയിലൂടെയായിരുന്നു തുടക്കം. രോഗം കഠിനമായതോടെ നാട്ടിലേക്ക് തിരികെയെത്തി. വൃക്ക മാറ്റിയ്ക്കല്‍ ശസ്ത്രക്രിയ മാത്രമാണ് ഇനിയുള്ള മാര്‍ഗ്ഗം. പത്ത് ലക്ഷത്തിലധികം രൂപ ചിലവ് വരും ഗിരീഷിന്റെ ശസ്ത്രക്രിയക്ക്. നാട്ടുകാരായ സുമനസ്സുകളുടെ സഹായത്തോടെയാണ് ഗിരീഷിന്റെ ചികിത്സ ഇതുവരെ നടന്നുപോന്നത്. എന്നാല്‍ സാമ്പത്തികമായി ഏറെ പ്രയാസമനുഭവിക്കുന്നുണ്ട് ഗിരീഷ്. നിരവധി സുമനസ്സുകളും ഗിരീഷിന്റെ സുഹൃത്തുക്കളും ചാരിറ്റി മീഡിയ കാഞ്ഞങ്ങാടും ചേര്‍ന്ന് പത്ത് ലക്ഷം രൂപ ചികിത്സാ സഹായം നല്‍കി.

ബാങ്ക് ഡീറ്റെയില്‍സ്

NAME: FLOWERS FAMILY CHARITABLE SOCIETY

BANK:PUNJAB NATIONAL BANK

ACCOUNT NO: 4291002100013564

BRANCH: KATHRIKADAVU, ERNAKULAM

IFSC CODE: PUNB0429100

ACCOUNT TYPE: CURRENT A/C