രാജ്യത്ത് സാധാരണ ട്രെയിൻ സർവീസ് ഓഗസ്റ്റ് 12 വരെ ഇല്ല
June 26, 2020
കൊവിഡ് പശ്ചാത്തലത്തിൽ ഓഗസ്റ്റ് 12 വരെ രാജ്യത്ത് സാധാരണ ട്രെയിൻ സർവീസ് ഉണ്ടാകില്ല. മെയിൽ, എക്സ്പ്രസ്സ്, പാസഞ്ചർ, സബർബൻ ട്രെയിനുകൾ സർവീസ് നടത്തില്ലെന്നാണ് റെയിൽവേ വ്യക്തമാക്കിയിരിക്കുന്നത്.
അതേസമയം, പ്രത്യേക ട്രെയിനുകളായ രാജധാനി, മെയിൽ, എക്സ്പ്രസ്സ് ട്രെയിനുകൾ സർവീസ് തുടരും. സാധാരണ ട്രെയിനുകളിൽ ജൂൺ 30 വരെ ടിക്കറ്റ് ബുക്ക് ചെയ്തവർ അത് റദ്ദാക്കണമെന്നും റെയിൽവേ അറിയിച്ചിട്ടുണ്ട്.
അതോടൊപ്പം തന്നെ ജൂലൈ ഒന്ന് മുതൽ ജൂലൈ 12 വരെ ബുക്ക് ചെയ്തവരും ടിക്കറ്റുകൾ റദ്ദാക്കേണ്ടതാണ്. ബുക്ക് ചെയ്തവർക്ക് മുഴുവൻ തുകയും റീഫണ്ട് ചെയ്യുമെന്നും റെയിൽവേ അറിയിച്ചു.
Story highlights-regular train service cancelled till august 12
