കൈയടിക്കാതിരിക്കാന്‍ ആവില്ല ഈ ഫ്യൂഷന്‍ വിസ്മയത്തിന്; അതിഗംഭീരമായൊരു ‘മുക്കാല മുക്കാബല….’
വാക്കുകള്‍ക്കും വര്‍ണ്ണനകള്‍ക്കും അതീതമാണ് സംഗീതം എന്ന വിസ്മയം. ലോകമലായളികളുടെ ഹൃദയങ്ങള്‍ കീഴടക്കിയ ഫ്‌ളവേഴ്‌സ് ടോപ് സിംഗര്‍ എന്ന സംഗീതപരിപാടിയും ഏറെ പ്രിയപ്പെട്ടതാണ്. പാട്ടിന്റെ പാലാഴി കടഞ്ഞെടുക്കുന്ന കുട്ടിപ്പാട്ടുകാരുമായി രണ്ടാം സീസണ്‍ ടോപ് സിംഗര്‍ 2 മുന്നേറുന്നു. മികച്ച സംഗീതപ്രകടനങ്ങളാണ് ഓരോ എപ്പിസോഡിലും ടോപ് സിംഗര്‍ 2-ല്‍ നിറയുന്നതും.
ഫ്‌ളവേഴ്‌സ് ടോപ് സിംഗര്‍ 2 വേദിയെ സംഗീതസാന്ദ്രമാക്കിയ ഒരു ഫ്യൂഷന്‍ വിസ്മയം ശ്രദ്ധ നേടുകയാണ്. ആട്ടം കലാസമിതിയും ഫ്‌ളവേഴ്‌സ് ടോപ് ബാന്‍ഡും ചേര്‍ന്നൊരുക്കിയ ഈ സംഗീതക്കാഴ്ച ആസ്വാദകരുടെ ഹൃദയതാളങ്ങള്‍ കീഴടക്കുന്നു. മുക്കാല മുക്കാബല എന്ന ഗാനത്തിനാണ് ഫ്യൂഷന്‍ വിസ്മയമൊരുക്കിയത്.
Read more: യുവയുടെ പാട്ടിന് ചുവടുവെച്ച് മൃദുല; പ്രണായര്‍ദ്രം ഈ നിമിഷം: വീഡിയോ
സംഗീതമാന്ത്രികന്‍ എ ആര്‍ റഹ്‌മാന്റെ വിസ്മയത്തില്‍ പിറന്നതാണ് ‘മുക്കാല മുക്കാബല…’ എന്ന ഗാനം. 1994-ല്‍ തിയേറ്ററുകളിലെത്തിയ ‘കാതലന്‍’ എന്ന ചിത്രത്തിലെ ഈ ഗാനം മികച്ച സ്വീകാര്യത നേടിയിരുന്നു. ഇന്ത്യന്‍ സംഗീതരംഗത്തുതന്നെ ശ്രദ്ധ നേടിയ ‘മുക്കാല മുക്കാബല..’ എന്ന ഗാനത്തിന് ഇന്നും പ്രേക്ഷകര്‍ക്കിടയില്‍ സ്വീകാര്യത ഏറെയാണ്.
Story highlights: Mukkala Mukkabala Fusion in Flowers Top Singer
