‘എന്തേ ഇന്നും വന്നിലാ…’ പാടി ബെവന്‍; എഴുന്നേറ്റ് നിന്ന് കൈയടിച്ച് വിധികര്‍ത്താകള്‍: അതിഗംഭീരം ഈ ആലാപനം
”എന്തേ ഇന്നും വന്നീലാ നിന്നോടൊന്നും ചൊല്ലീലാ
അനുരാഗം മീട്ടും ഗന്ധര്‍വ്വന്‍ നീ സ്വപ്നം കാണും
ആകാശത്തോപ്പിന്‍ കിന്നരന്‍…” നാളുകള്‍ക്ക് മുന്‍പേ മലയാളികളുടെ മനസ്സ് കവര്‍ന്ന ഗാനമാണിത്. മലയാളികള്‍ എക്കാലത്തും ഹൃദയത്തോട് ചേര്‍ത്തു വയ്ക്കുന്ന പാട്ട്. കേട്ട് കേട്ട് മതിവരാത്ത ഈ പ്രിയഗാനം ഫ്ളവേഴ്സ് ടോപ് സിംഗര്‍ 2 വേദിയില്‍ അതിമനോഹരമായി ആലപിച്ച് കൈയടി നേടുകയാണ് ബെവന്‍.
ലോകമെമ്പാടുമുള്ള മലയാളികള്‍ ടോപ് സിംഗര്‍ ഏറ്റെടുത്തതുപോലെതന്നെ ടോപ് സിംഗര്‍ 2-ഉം ഏറ്റെടുത്തുകഴിഞ്ഞു. അതിശയിപ്പിയ്ക്കുകയാണ് ആലാപന മാധുര്യം കൊണ്ട് കുരുന്ന് ഗായകര്‍. ബെവന്‍ പാടി തീര്‍ന്നപ്പോഴേയ്ക്കും വിധികര്‍ത്താക്കള്‍ എഴുന്നേറ്റ് നിന്ന് കൈയടിച്ചു. വാക്കുകള്‍ക്കും വര്‍ണനകള്‍ക്കും അതീതമായ ആ ആലപന മാധുര്യത്തെ വാനോളം പ്രശംസിക്കുകയും ചെയ്തു.
Read more: വെല്ലുവിളികളെ അതിജീവിച്ച് മോഡലായ പാത്തു ഫാത്തിമയുടെ ഒരു രസികന്‍ പാട്ട്: വിഡിയോ
ഗ്രാമഫോണ്‍ എന്ന ചിത്രത്തിലേതാണ് ഈ ഗാനം. ഗിരീഷ് പുത്തഞ്ചേരിയുടേതാണ് ഗാനത്തിലെ വരികള്‍. വിദ്യാസാഗര്‍ സംഗീതം പകര്‍ന്നിരിക്കുന്നു. പി ജയചന്ദ്രനാണ് സിനിമയില്‍ ഈ ഗാനം ആലപിച്ചിരിക്കുന്നത്.
Story highlights: Amazing singing performance by Bevan Flowers Top Singer
