‘ഹേയ് കണ്മണി..’- കല്യാണമേളവുമായി ‘വാശി’യിലെ ഗാനം
ടൊവിനോ തോമസും കീർത്തി സുരേഷും പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് ‘വാശി’. മികച്ച അഭിപ്രായം നേടി മുന്നേറുന്ന ചിത്രത്തിലെ ഒരു മനോഹരഗാനം പ്രേക്ഷകരിലേക്ക് എത്തി. വിഷ്ണു ജി രാഘവ് രചനയും സംവിധാനവും നിർവ്വഹിച്ച ‘വാശി’യിൽ ടൊവിനോ തോമസും കീർത്തി സുരേഷും എബിൻ മാത്യുവും മാധവി മോഹനുമായി എത്തുന്നു.
എബിൻ മാത്യു, മാധവി മോഹൻ എന്നിവർ അഭിഭാഷകരാണ്. ജാനിസ് ചാക്കോ സൈമണാണ് വാശിയുടെ കഥ ഒരുക്കിയിരിക്കുന്നത്. ചിത്രത്തിന്റെ എഡിറ്ററായി മഹേഷ് നാരായണൻ എത്തിയിരിക്കുന്നു. കൈലാസ് മേനോൻ സംഗീതം നിർവ്വഹിക്കുന്ന ചിത്രത്തിന് വിനായക് ശശികുമാറാണ് വരികൾ രചിച്ചിരിക്കുന്നത്. സാബു മോഹൻ കലയും ദിവ്യ ജോർജ്ജ് വസ്ത്രാലങ്കാരവും നിർവ്വഹിച്ചു. പി വി ശങ്കറാണ് മേക്കപ്പ് മാൻ.
കീർത്തി സുരേഷ് നായികയായി ഒരു മലയാള സിനിമ റിലീസ് ചെയ്തിട്ട് ഏഴ് വർഷത്തിലേറെയായി. പ്രിയദർശൻ സംവിധാനം ചെയ്ത മരക്കാറിലും നടി ഒരു പ്രധാന വേഷം ചെയ്തിരുന്നു. അതിനാൽ തന്നെ വാശി കീർത്തി സുരേഷ് ആരാധകർക്ക് വലിയൊരു സർപ്രൈസ് ആയിരുന്നു.
Read Also: ‘ജുംകാ ബറേലി വാല..’; ക്ലാസ് മുറിയിൽ നൃത്തവുമായി അധ്യാപികയും വിദ്യാർത്ഥിനികളും- ഹൃദ്യമായ കാഴ്ച
അതേസമയം, ഏതാനും ദിവസങ്ങൾക്ക് മുൻപ് ചിത്രത്തിലെ മനോഹരമായ ഒരു ഗാനം ആസ്വാദകരിലേക്ക് എത്തിയിരുന്നു. കൈലാസ് മേനോൻ ഈണം പകർന്ന ഗാനത്തിന്റെ വരികൾ എഴുതിയിരിക്കുന്നത് വിനായക് ശശികുമാറാണ്. സിതാര കൃഷ്ണകുമാറും അഭിജിത്ത് അനിൽകുമാറും ചേർന്നാണ് ‘’യാതൊന്നും പറയാതെ’ എന്ന ശ്രുതിമധുരമായ ഗാനം ആലപിച്ചിരിക്കുന്നത്. ഗാനം സംഗീത പ്രേമികളുടെ ശ്രദ്ധ ആകർഷിച്ചു.
Story highlights- vashi movie song out now
