ബി ഉണ്ണികൃഷ്ണൻ ഒരുക്കുന്ന ചിത്രത്തിൽ മമ്മൂട്ടിയുടെ വില്ലനായി തമിഴ് നടൻ വിനയ് റായ്
നടൻ മമ്മൂട്ടിയെ നായകനാക്കി ബി ഉണ്ണികൃഷ്ണൻ സംവിധാനം ചെയ്യുന്ന പുതിയ ചിത്രത്തിൽ വില്ലനായി തമിഴ് നടൻ വിനയ് റായ് എത്തുന്നു. ഒരു ത്രില്ലർ എന്ന് വിശേഷിപ്പിക്കപ്പെടുന്ന ചിത്രത്തിന്റെ ഷൂട്ടിംഗ് ആരംഭിച്ചു.
നിർമ്മാതാക്കൾ ഇക്കാര്യം ഔദ്യോഗികമായി സ്ഥിരീകരിച്ചിട്ടില്ലെങ്കിലും റിപ്പോർട്ടുകൾ പ്രകാരം, മമ്മൂട്ടി – ബി ഉണ്ണികൃഷ്ണൻ പ്രൊജക്റ്റിൽ വില്ലൻ കഥാപാത്രത്തെ അവതരിപ്പിക്കാൻ വിനയ് റായിയെ തിരഞ്ഞെടുത്തു എന്നാണ് സൂചന. സ്‌നേഹ, ഐശ്വര്യ ലക്ഷ്മി, അമല പോൾ എന്നിവരും ചിത്രത്തിൽ പ്രധാന സ്ത്രീ കഥാപാത്രങ്ങളെ അവതരിപ്പിക്കുമെന്നും റിപ്പോർട്ടുകൾ സൂചിപ്പിക്കുന്നു.
ഉദയ് കൃഷ്ണ തിരക്കഥയെഴുതി ബി ഉണ്ണികൃഷ്ണൻ ഒരുക്കുന്ന ചിത്രത്തിൽ മമ്മൂട്ടി പോലീസ് കഥാപാത്രത്തെയാണ് അവതരിപ്പിക്കുന്നത്. എറണാകുളവും വണ്ടിപ്പെരിയാറും പ്രധാന ഷൂട്ടിംഗ് ലൊക്കേഷനുകളിലാണ്. കൂടാതെ ഷൈൻ ടോം ചാക്കോ, ദിലീഷ് പോത്തൻ, സിദ്ദിഖ്, ജിനു എബ്രഹാം എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
അതേസമയം, നടൻ വിനയ് റായ് ജനപ്രിയ തമിഴ് ചിത്രങ്ങളിൽ വേഷമിട്ടതിലൂടെ മലയാളികൾക്കും സുപരിചിതനാണ്. ബി ഉണ്ണികൃഷ്ണന്റെ സംവിധാന ചിത്രത്തിലൂടെ അദ്ദേഹം മലയാളത്തിൽ അരങ്ങേറ്റം കുറിക്കാൻ ഒരുങ്ങുകയാണ്. സംവിധായകൻ പാണ്ഡിരാജ് സംവിധാനം ചെയ്ത ‘ഉന്നാലെ ഉന്നാലേ’, ‘ജയംകൊണ്ടൻ’, ‘അരൺമനൈ’, ‘ഡോക്ടർ’, സൂര്യ നായകനായ ‘എതർക്കും തുനിന്ദവൻ’ എന്നീ തമിഴ് ചിത്രങ്ങളിലും അദ്ദേഹം പ്രധാന വേഷങ്ങൾ ചെയ്തിട്ടുണ്ട്.
‘അഡ്വഞ്ചേഴ്‌സ് ഓഫ് ഓമനക്കുട്ടൻ’, ‘ഇബ്ലിസ്’ എന്നീ ചിത്രങ്ങളിലൂടെ പ്രശസ്തനായ സമീർ അബ്ദുൾ തിരക്കഥയെഴുതി നിസാം ബഷീർ സംവിധാനം ചെയ്യുന്ന ‘റോഷാക്’ എന്ന പേരിട്ടിരിക്കുന്ന മറ്റൊരു ത്രില്ലർ ചിത്രവും മമ്മൂട്ടിയുടെ അണിയറയിലുണ്ട്.
Story highlights- Vinay Rai to play villain in Mammootty – B Unnikrishnan’s thriller
