“എന്റെ എല്ലാമെല്ലാമായ രമ..”; ഭാര്യയെ പറ്റിയുള്ള ഓർമ്മകളിൽ നടൻ ജഗദീഷ്

January 13, 2023

നിരവധി ഹാസ്യ കഥാപാത്രങ്ങളിലൂടെ പ്രേക്ഷകരെ പൊട്ടിച്ചിരിപ്പിച്ചിട്ടുള്ള താരമാണ് ജഗദീഷ്. മലയാളികളുടെ ഇഷ്‌ട നടനായ അദ്ദേഹം നാൽപ്പതിലധികം ചിത്രങ്ങളിൽ നായകനായും അഭിനയിച്ചിട്ടുണ്ട്. ഇതിൽ മിക്ക ചിത്രങ്ങളും വലിയ ഹിറ്റുകളായിരുന്നു. തന്റെ അഭിനയ ജീവിതത്തിലെ മറ്റൊരു കാലഘട്ടത്തിലൂടെയാണ് ജഗദീഷ് ഇപ്പോൾ കടന്ന് പോയിക്കൊണ്ടിരിക്കുന്നത്. ‘റോഷാക്ക്’ അടക്കമുള്ള ചിത്രങ്ങളിൽ അമ്പരപ്പിക്കുന്ന പ്രകടനമാണ് അദ്ദേഹം കാഴ്ച്ചവെച്ചിട്ടുള്ളത്.

ഇപ്പോൾ ജഗദീഷ് ഫ്‌ളവേഴ്‌സ് ഒരു കോടി വേദിയിൽ പ്രത്യേക അതിഥിയായി എത്തിയ ക്രിസ്‌മസ്‌ സ്പെഷ്യൽ എപ്പിസോഡിലെ ചില നിമിഷങ്ങളാണ് പ്രേക്ഷകർക്ക് ഹൃദ്യമാവുന്നത്. ഭാര്യയായ ഡോക്ടർ രമയെ പറ്റിയുള്ള ഓർമ്മകളാണ് അദ്ദേഹം വേദിയിൽ പങ്കുവെച്ചത്. അപൂർവമായ ഒരു അസുഖം ബാധിച്ചതിനെ തുടർന്നാണ് രമ മരിച്ചതെന്നും അപാര ധൈര്യത്തോടെയാണ് രോഗത്തെ നേരിട്ടതെന്നും പറയുകയാണ് ജഗദീഷ്.

അതേ സമയം ക്രിസ്‌മസിനോട് അനുബന്ധിച്ച് അതിമനോഹരമായ ഒരു ഗാനവും ജഗദീഷ് വേദിയിൽ ആലപിച്ചു. ‘ജീവിതം ഒരു ഗാനം’ എൻ ചിത്രത്തിലെ “സത്യനായകാ മുക്തിദായകാ..” എന്ന ക്രിസ്‌തീയ ഭക്തിഗാനമാണ് ജഗദീഷ് പാടിയത്. എം എസ് വിശ്വനാഥൻ സംഗീതം നൽകിയിരിക്കുന്ന ഗാനത്തിന് വരികളെഴുതിയിരിക്കുന്നത് ശ്രീകുമാരൻ തമ്പിയാണ്. ഗാനഗന്ധർവ്വൻ യേശുദാസാണ് ചിത്രത്തിൽ ഈ ഗാനം ആലപിച്ചിരിക്കുന്നത്.

Read More: ‘അന്ന് പാർക്കിംഗ് ലോട്ടിൽ വെച്ച് കണ്ടുമുട്ടിയ ആ മനുഷ്യൻ ഇന്ന് ഗോൾഡൻ ഗ്ലോബ് നേടി’- അനുഭവം പങ്കുവെച്ച് വിനീത് ശ്രീനിവാസൻ

വിനോദത്തോടൊപ്പം വിജ്ഞാനവും പകരുന്ന ഫ്‌ളവേഴ്‌സ് ഒരു കോടിക്ക് പ്രേക്ഷകർ ഏറെയാണ്. ജീവിതത്തിലെ പ്രതിസന്ധികളിൽ തളരാതെ പോരാടി മറ്റുള്ളവർക്ക് പ്രചോദനമാവുന്ന സാധാരണക്കാരായ മനുഷ്യരാണ് പലപ്പോഴും ഫ്‌ളവേഴ്‌സ് ഒരു കോടിയിൽ അതിഥികളായെത്തുന്നത്. അത് കൊണ്ട് തന്നെ വലിയ ഒരു പ്രേക്ഷകസമൂഹമാണ് പരിപാടിയിലെ അതിഥികളുടെ കഥകൾ കേൾക്കാനായി കാത്തിരിക്കുന്നത്.

Story Highlights: Jagadeesh shares memories of his wife rama