കുട്ടിപ്പാട്ടുകാരെ അനുകരിച്ചു സിദ്നാൻ താജ്; പൊട്ടിച്ചിരിച്ചു മത്സരവേദി
കുട്ടിപ്പാട്ടുകാരാൽ സമ്പന്നമാണ് ഫ്ളവേഴ്‌സ് ടോപ് സിംഗറിന്റെ വേദി. ആദ്യ രണ്ട് സീസണുകളിലെയും പോലെ തന്നെ ഒരു പിടി കഴിവുറ്റ പ്രതിഭകളുമായാണ് ഇത്തവണയും ടോപ് സിംഗർ പ്രേക്ഷകർക്ക് മുൻപിലേക്കെത്തിയിരിക്കുന്നത്. പാട്ടും ആട്ടവും കുസൃതി നിറഞ്ഞ സംസ്‌കാരവുമായി എന്നും കുടുംബപ്രേക്ഷകരെ സന്തോഷത്തിലാഴ്ത്താൻ ഈ പരിപാടിക്ക് കഴിഞ്ഞിട്ടുണ്ട്.
ഇത്തവണ വേദിയിൽ തന്റെ മറ്റൊരു കഴിവ് പ്രദർശിപ്പിച്ചാണ് സിദ്നാൻ താജ് ഏവരെയും കയ്യിലെടുത്ത്. തന്റെ പ്രിയ സുഹൃത്തുക്കളെ അനുകരിച്ചു വിധികർത്താക്കളെ കുടുകുടെ ചിരിപ്പിക്കാൻ ഈ കൊച്ചു കലാകാരന് കഴിഞ്ഞു. പ്രേക്ഷകരുടെ പ്രിയപ്പെട്ട മേധക്കുട്ടിയെ അനുകരിച്ചു തുടങ്ങിയ സിദ്നാൻ പിന്നീട് വിധികർത്താക്കളുടെയും അവതാരകരുടെയും ആഗ്രഹപ്രകാരം മറ്റുള്ളവരെയും അവതരിപ്പിക്കുകയായിരുന്നു.
Read Also: ‘ഒരു മുത്തം കൊടുത്തിട്ട് പോടാ..’- കുട്ടി ആരാധകനെ ചേർത്ത് നിർത്തി മക്കൾ സെൽവൻ
നിറഞ്ഞ കയ്യടികളോടെയും പൊട്ടിച്ചിരികളോടെയുമാണ് ഏവരും ഈ കൊച്ചു കലാകാരനെ പ്രോത്സാഹിപ്പിച്ചത്. ഗിരിഷ് പുത്തഞ്ചേരിയുടെ വരികൾക്ക് എസ്.പി വെങ്കിടേഷ് ഈണം പകർന്ന മിന്നാരം എന്ന ചിത്രത്തിലെ എം.ജി ശ്രീകുമാർ ആലപിച്ച ചിങ്കാര കിന്നാരം ചിരിച്ചു കൊഞ്ചുന്ന എന്ന ഗാനം ആലപിക്കാൻ എത്തിയതായിരുന്നു ഈ കൊച്ചു മിടുക്കൻ. ടോപ് സിംഗർ സീസൺ 3 യിലെ ഏറ്റവും മികച്ച പാട്ടുകാരിൽ ഒരാൾ തന്നെയാണ് സിദ്നാൻ താജ്.
Story highlights- sidnan saj performance
