‘മെസ്സിമ്മ, എനിക്കറിയില്ല ഇതെങ്ങനെ തരണം ചെയ്യുമെന്ന്..’-നൊമ്പരത്തോടെ പാർവതിയും കാളിദാസും
വളർത്തുമൃഗങ്ങളോട് ഭേദിക്കാനാകാത്ത വിധം ആത്മബന്ധം പുലർത്തുന്നവർ ധാരാളമാണ്. പലപ്പോഴും മാനസിക സംഘർഷം കുറയ്ക്കാനും ഒറ്റപ്പെടലിൽ നിന്നും രക്ഷനേടാനും പലപ്പോഴും വളർത്തുമൃഗങ്ങൾ സഹായകരമാകാറുണ്ട്. നിങ്ങൾക്ക് ഒരു വളർത്തുമൃഗമുണ്ടെങ്കിൽ, അവയുടെ നിരുപാധികമായ സ്നേഹത്തെക്കുറിച്ച് തീർച്ചയായും അറിയാമായിരിക്കും. അത്തരത്തിൽ ആരാധകർക്കിടയിലും ശ്രദ്ധനേടിയ വളർത്തുനായയായിരുന്നു ജയറാമിന്റെയും കുടുംബത്തിന്റെയും പ്രിയങ്കരനായ മെസ്സി.
ഇപ്പോഴിതാ, മെസ്സിയുടെ വേർപാടിനെക്കുറിച്ച് വൈകാരികമായ കുറിപ്പുകൾ പങ്കുവയ്ക്കുകയാണ് പാർവതിയും കാളിദാസും. ഇരുവരും മെസ്സിക്കൊപ്പമുള്ള സന്തോഷനിമിഷങ്ങൾ പങ്കുവെച്ചിട്ടുമുണ്ട്. ‘
മെസ്സിമ്മ..വാക്കുകൾ എന്നെ പരാജയപ്പെടുത്തുന്നു.. 40 ദിവസം പ്രായമുള്ള കുഞ്ഞായി നീ എന്റെ ജീവിതത്തിലേക്ക് കടന്നുവന്നു.. നിൻ്റെ ഉപാധികളില്ലാത്ത സ്നേഹം നൽകി എന്നെ മികച്ച വ്യക്തിയാക്കി മാറ്റി.. നിന്റെ വികൃതിയുംകുസൃതിയും സൗഹൃദവും എനിക്ക് നഷ്ടമാകും..ദൈവം എന്നെ അനുഗ്രഹിച്ചു നിന്നെ എന്റെ ഇളയ മകനായി തന്നു..എനിക്കറിയില്ല ഇതെങ്ങനെ തരണം ചെയ്യുമെന്ന്..നിന്റെ അഭാവം..നീ ഇല്ലാതെ എന്റെ വീട് ഒരിക്കലും സമാനമാകില്ല..ഒരിക്കലും നിന്റെ സാന്നിധ്യം മതിയാവില്ല..നീ നക്ഷത്രങ്ങളിൽ ഏറ്റവും തിളക്കമുള്ളവനായിരിക്കട്ടെ..നിങ്ങൾ എവിടെയായിരുന്നാലും സന്തോഷവും വികൃതിയും ആയിരിക്കുക..
എന്റെ മെസ്സിമ്മ സമാധാനത്തോടെ വിശ്രമിക്കൂ..അമ്മ,അപ്പ,കണ്ണൻ,ചക്കി എന്നിവരുടെ ഒത്തിരി ചുംബനങ്ങൾ..’- പാർവതി കുറിക്കുന്നു.
‘എന്റെ കുട്ടി ..സമാധാനത്തോടെ വിശ്രമിക്കൂ. നിങ്ങൾ എവിടെയായിരുന്നാലും ധാരാളം ഐസ്ക്രീമും മധുരപലഹാരങ്ങളും ലഭിക്കുമെന്ന് ഞാൻ പ്രതീക്ഷിക്കുന്നു..ലോകത്തിലെ ഏറ്റവും സന്തോഷകരവും സ്നേഹവും കരുതലും ഉള്ള നായയായതിന് നന്ദി..അമ്മ,അപ്പ,ചക്കി & ഞാനും നിന്നെ മിസ്സ് ചെയ്യും .. എന്റെ സഹോദരൻ.’- കാളിദാസ് കുറിക്കുന്നു.
Story highlights- parvathy and kaliads farewell to pet dog
